قدم قویوبدی عالمه رسول مصطفا بوگون #17ربیع_ستار_رزاقی

مدح ومیلاد حضرت محمد (ص)
.
زبدة الاشعار
.
: @nohe_torki
.
ستار رزاقی
.
قدم قویوبدی عالمه رسول مصطفا بوگون
وجود پاکی عالمی ایدوبدی با صفا بوگون
.
هامی بوگون ایدور ندا
سنه بوامتون فدا
.
.
اودم کی آچدی گوزلرین جهانه اول بشیر حق
ایشقلی گون کیمی سالوب جمالی عالمه شفق
بونور پاکدن صفا تاپوب تمام ماخلق
خدا بو نور رحمتی بیزه ایدوب عطا بوگون
.
.
گوز آچدی تابوعالمه او نور پاک سرمدی
یاییلدی عرش و فرشیده جلالت محمدی
چتیندی دل بیان ایده جلال وجاه احمدی
نچونکی خلقه قدرتین ویروب نشان خدا بوگون
.
.
گتوردی اوز حبیبینی خدا بوگونده عالمه
کی بلکه شرک وبدعته ویره جهاندا خاتمه
تمام خلق. حق سوزون ایده دلینده زمزمه
فساد وشرک وجهلیدن ایده اوزون رها بوگون
.
.
بونوری گورجاقین باتوب عزایه فرقه زبون
خراب اولوبدی بتکده صنملر اولدی سرنگون
یغشدی هربلادیدن بساط ساحران دون
دولوبدی نور حقیله تمام ماسوا بوگون
.
.
بوخلقتیله حق نشان ویروب جهانه قدرتین
بوگونده نازل ایلیوب جهانیانه رحمتین
بولوندوروبدی عالمه حبیبینون جلالتین
تمام درد امته ایدوبدی حق دوا بوگون
.
.
بوگونده تا قدم قویوب جهانه ختم الانبیا
قدوم پاکی ایلدی جهانی جنت العلا
بساط جاهلیتی ایدوبدی دهریده فنا
گتوردی اهل حق ایچون سعادت و بقا بوگون
.
.
اودم کی نور کبریا اولوبدی مکه دن عیان
چکولدی پرده ظلمته دونوبدی گلشنه جهان
اسوبدی رحمتین یلی جهانه گلدی تازه جان
حقیقت اهلینون تاپوب اورکلری صفا بوگون
.
.
ولادتوندی ای شها گدالرین ایدور نوا
آچوبلا درگهونده ال ایدولّه صدقیله دعا
زیارت مدینه نی بو جمعه قیل ائوزون عطا
اگر عنایت ایله سوز قبول اولار دعا بوگون
.
.
#17ربیع
#قدم_قویوبدی_عالمه_رسول_مصطفا_بو_گون
#ستار_رزاقی
#ترکی
.
#زبدةالاشعار
.
: @nohe_torki