زبدةالاشعار

قرآن اوخیان باش یارالی باشوه قربان #کوفه_هندی_تبریزی

کوفه

.
✍️ #زبدةالاشعار ✍️
🆔: @nohe_torki
.
#سبک_ای_باد_صبا … 7 سبک
.
مرحوم هندی تبریزی
.
قرآن اوخیان باش یارالی باشوه قربان
باش باشه چاتان اوغلووا قارداشوه قربان
.
.
گل گوزلریوون قانینی اشگیمله سیلیم من
آیات اوخین دیللره قربان کسیلیم من
.
.
حاشا بو منوّر باشی تشبیه ایدم آیه
آی نیزه ده قرآن اوخوماز آیه به آیه
آیات مبین دور بو باش آیات خدایه
باشدان ایاقا عشقیله پر شوردی بو باش
پیغمبرون آلنیندان اولان نوریدی بو باش
.
.
وار بو یارالی باشون عجب حُسن لقاسی
خونگرم دوداقلاردا حزین طرز اداسی
حق کامه سی کهف آیه سی جان بخش صداسی
ایوای بو باش قارداشیمون باشینه بنزر
بیر صورت زیبادی که نقاشینه بنزر
.
.
بو جاذبه لی سسده بویوک بیر هیجان وار
دنیا دولوسی جان یارادان جوهر جان وار
زینب کیمی قلبونده مگر سوز نهان وار
اود دوتدوم آلیشدیم بو یانقلی نفسوندن
جان یولدی گیچن گونلریمون نقشی سسوندن
.
.
عطشان کسیلن باش لب شادابی نشان ویر
لعل لب آرا لؤلؤ نایابی نشان ویر
کهف آیه سی تک آیت اعجابی نشان ویر
دور کرب و بلا سمتینه اعجازیوی گوستر
کهفینده یاتان پیکر جانبازیوی گوستر
.
.
ای باشی سر افراز ایلین نوک جدانی
دلکش سسیله لرزیه سال موج فضانی
تیترت یری افلاکی بوتون کون و مکانی
قوی دولدورا آفاقی کمال کلماتون
عالم گوره یکساندی حیاتونله مماتون
.
.
قرآن اوخی قرآن اوخوماق ذکر جلیدور
گورسونله بو باش صاحبی نور ازلیدور
دردانۀ زهرادی حسین ابن علیدور
تحصیلینی تکمیل ایلیوب دوش نبی ده
تفسیر یازار نیزه ده قرآن مجیده
.
.
حسرت چکرم نیزه نون احوالینه قارداش
اوپدی بوغازوندان یتوب آمالینه قارداش
افسوس باجون زینبون احوالینه قارداش
دشمنلر الینده گزر الدن اله باشون
قویمازلا منیم یانیمه بیر دم گله باشون
.
.
قان قطره سی مرجان کیمی مژگانه دوزولموش
جان رشته سینه گوهر شادانه دوزولموش
افروخته مشعلدی نیستانه دوزولموش
دلخون جگریم پارچالانوب پاره سی دور بو
بیر داغ درونون باش آچان یاره سی دور بو
.
.

متن پیشنهادی:  عالمده قالمیوبدی صداقت نشانه سی #حسینیه_دخیل

#کوفه_هندی_تبریزی
#قرآن_اوخیان_باش_یارالی_باشوه_قربان
#ترکی
.
✍️ #زبدةالاشعار ✍️
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی