کوفه
.
#زبدةالاشعار
: @nohe_torki
.
#سبک_ویرانه_ده_نازلو_بالام
.
بیضائی بناب
.
قرآن اوخی سر نیزه ده ای زینبین جانی
ایله تلاوت یا حسین آیات سبحانی
.
.
سر نیزه ده گوردوم باشون گلدیم دله قارداش
آهیله سالدیم ولوله غملی ائله قارداش
گُل صورتون آیا ندن باتموش کوله قارداش
آغلاتدی قوم اشقیا بو زار و نالانی
.
.
قرآن اوخی بولسونله سن آیاته معناسن
آرام جان مرتضی دلبند طاهاسن
خیرالنسانین سوگولی محبوب زهرا سن
خواب جهالتدن اویات اکناف نادانی
.
.
باخ نیزه ده قارداش حسین اطفال نالانه
قوللاری باغلی قیزلارا جمع پریشانه
کیم داش وروبدی آنووا باتدی یوزون قانه
شل اولسون اعدانون الی ایتدی بو طوفانی
.
.
قرآن اوخی قویما یوزه اشگیم حسین آخسون
دردون بو خسته زینبی آز یاندروب یاخسون
قرآن اوخی قویما بیزه اهل جفا باخسون
ایلور اذیّت بو محن اولاد زهرانی
.
.
ای ناطق قرآن سنه جانیم اولا قربان
من ناقه ده سن نیزه ده ایتدوخ نجه طوفان
نطقیمله قارداش ایلرم کفرین ائوین ویران
باشه یتوردوم یا حسین منده بو پیمانی
.
.
آدون دلیمده یا حسین دائم اولوب از بر
قبروندن اوتری بو اورک دوزمز ورار پرپر
«بیضائیه» ایله دعا ای شافع محشر
بار دگر وصله یتور بو درد هجرانی
.
.
#کوفه_بیضائی_بناب
#قرآن_اوخی_سر_نیزه_ده_ای_زینبین_جانی
#ترکی
.
#زبدةالاشعار
: @nohe_torki
نظر دهید