قربان اولوم او قامته یا صاحب الزمان #مهدیه_اقبالی_زنجانی

یا مهدی
.
.
مرحوم اقبالی زنجانی
.
.
قربان اولوم او قامته یا صاحب الزّمان
دوندی زمانه ظلمته یا صاحب الزّمان
.
ای ماه مشرقین بو قدر قالما پرده ده
دوندی زمانه ظلمته یا صاحب الزّمان
.
اون بیر امام وارثی ای نور مصطفا
هجران یئتوب نهایته یا صاحب الزّمان
.
گلزار دینه ایله نظاره ترحُّم ائت
گلچین گلوبدی غارته یا صاحب الزّمان
.
عصر، حسین کیمی قالوب اسلام بی پناه
محتاجیدور حمایته یا صاحب الزّمان
.
اسلامیانی بی کس و بی یار گوردی چون
دشمن گلوب جسارته یا صاحب الزّمان
.
آل ذوالفقارووی اله ای داد خواهیمیز
سال اشقیانی وحشته یا صاحب الزّمان
.
ایسدولّه پایمال ائده لر دین احمدی
دشمنده باخ عداوته یا صاحب الزّمان
.
دنیانی دولدورب ستم و جور ظالمان
گورنه گلوبله جراته یا صاحب الزّمان
.
طولانی اولدی بسکه سنون غیبتون آقا
شیعه قالوب شماتته یا صاحب الزّمان
.
سویلوله بس هایاندادی قدرتلی سروروز
گلسون سیزه حمایته یا صاحب الزّمان
.
ای فاطمه عزیزی قوتار طعنه دن بیزی
وئر خاتمه بوفرقته یا صاحب الزّمان
.
مظلوملر قصاصینی ظالمدن آل آقا
دوندور جهانی جنته یا صاحب الزّمان
.
«اقبالی» انتظار دادی گورسون جمالوی
باخسین او حسن صورته یا صاحب الزّمان
.
.
#مهدیه
#قربان_اولوم_او_قامته_یا_صاحب_الزمان
#اقبالی_زنجانی
#ترکی
#زبدةالاشعار