عرض ادب محضر حضرت معصومه سلام الله علیها
.
زبدة الاشعار
.
: @nohe_torki
.
محمد رضا صادقی
.
قربان اولوم او قبره کی چوخ آشناسی وار
جنت ندور بو جنتین آیری صفاسی وار
.
جنتده رشک ائدر او صفالی یاتان یره
حور و ملک دئیر عجب عالی بناسی وار
.
موسی بن جعفرین قیزیدور نور چشمیدور
فخر ایله شیعه باب الحوائج آتاسی وار
.
شمس الشموسه روحیدی قومدا یاتان خانم
کیمدور دئسون کی قارداشینا تای رضاسی وار
.
بسدور بو , خامه یازسا اگر شانینه سخن
ام الائمه فاطمه تک بیر آناسی وار
.
موسی بن جعفرین ایوینه قویدی تا قدم
عالم گوروب او منزلون آیری ضیاسی وار
.
یر فخر ائدوبدی , فاطمه گلدی مکررا”
تا آچدی گوزلرین دئدیلر مرحباسی وار
.
ذیقعده نین بیرینده یازوبلار ولادتین
معصومه دی گوروبله دیلینده دعاسی وار
.
چوخدور مقامی شانیئده نسوان دیگره
معصومه اولماقا بو سوزون اکتفاسی وار
.
معصوم قولیدور بو کی « من زار عمتی »
واجب اولار بهشتین او شخصه سزاسی وار
.
فخر ایلسه #قم اهلی اگر خلق عالمه
بی جا دگور کریمه آل عباسی وار
.
چک نظمه « صادقی » بو سوزی بر ملا دئنن
هر کیمسه نین کی حسرت کرب و بلاسی وار
.
دردون دئسون او قومدا کی زهرای ثانیه
تیز لطف ائدر خانم گوره قاپوسیندا گداسی وار
.
یازما ولی یوماندا گوزون باخدی طوسه بیر
زینب کیمین گوروبله بئله بیر نداسی وار
.
قارداش ئولونجه قالدی اورکده بو حسرتیم
کیم بولدی باجیوین غم بی انتهاسی وار
.
.
#قربان_اولوم_او_قبره_کی_چوخ_آشناسی_وار
.
.
: @nohe_torki
نظر دهید