« جریان اولین روز ورود حضرت رقیه خاتون به خرابه شام »
((باعرض استغاثه محضرآقاامام زمان(عج))
.
.
مصیبی تبریزی
.
.
کاش همیشه، شه سراسیندن گدا حاجت تاپا
سُندس و دیبا یانیندا بوریا قیمت تاپا
.
بوریای قلب زاریم نار هجراندا یانور
خوش او دم ؛ دیبای ناب نرجسه وصلت تاپا
.
یابن زهراگوزلریم یوللارداقالدی گل ئوزون
بلکه سندن من کیمی سائلده شخصیت تاپا
.
دوزدی فعلیم یوخدی دیللرده شعاریم وارفقط
ایستورم امّا گوزوم دیداریوه رخصت تاپا
.
بی پناهم یوخدی سایم یوخ امانیم دهریده
چک نقابون سایه سیزلر سندن امنیت تاپا
.
قورخورام ازبس یازام ازبس دیم گل گل آقا
کوفیانین نامه سیندن سوزلریم سبقت تاپا
.
من نه کوفی مسلکم مهمانه غارت گُسترم
فخریم عالمده بودورسندن سوزوم قیمت تاپا
.
گل گذشت ائت پوزشه یول باغلامایابن الحسن
ایستیرم بیرسوزیازام قلبین سنون رقت تاپا
.
هر نه اولدی عمّه وه،اولدی خرابه شامیده
گور روائیدی یزید آل اللهه جرات تاپا
.
اولین روزی دی آل الله گلوب ویرانیه
زینب ایستیر قیزلار اول ویرانیه الفت تاپا
.
بیر به بیر قیزلاری نازایلور چکورآغوشینه
تا زمانه جبرینه دردانه لر طاقت تاپا
.
بیرزمان گوردی خانوم بیراوچ یاشیندا دلبری
گوشه ویرانسراده ایستوری عزلت تاپا
.
هی ورانداز ایلیور ویرانه نین دوت گوشه سین
گلدی زینب چکدی آغوشه مگر علت تاپا
.
نازنین قیزسویله دی؛واردورسئوالیم عمه جان
وئر جوابین تا بو تردیدیم منیم غایت تاپا
.
بو اوچوق یئرعمه جان آیا آدی ویرانه دی
اولماسا ویرانه قلبیم غملره عادت تاپا
.
تا خانوم تایید ائدوب ویرانسرانین آدینی
اوچ یاشیندا قیزسئویندی آزقالوب لکنت تاپا
.
گوزلرینده اشک شوقی سسلنوبدور؛عمه سین؛
بیر قوناقیم وار گلر ویرانه ده سُکنت تاپا
.
سویله دی زینب قوناقین کیمدی یارین کیمسه دی
هاردا قولین آلموسان ویرانیه رجعت تاپا
.
نازنین قیز شور و احساسیله گلدی صحبته؛
روز عاشورا بابام کی ایسته دی رحلت تاپا
.
چکدی آغوشه منی سویلوب قیزیم چوخ آغلاما
قورخورام سن آغلیاندا محنتیم شدت تاپا
.
نازنینیم آخرین بزم وداع سنلن دگور
قول مندن بو سنه ؛ قولیم گرک صحت تاپا
.
ناگران اولما داریخما تنگه گلسن آغلاما
بیراوچوق ویرانه وار گللم سوزوم حجت تاپا
.
اوردا من اوللام باجیم زینب اولارقیزلاراولار
آیری بیر عالم اولار تا خاتمه فرقت تاپا
.
نئچه گون رد اولمامیشدی وعدیه اولدی وفا
کیم گوروب شاهن باشی ویرانیه دعوت تاپا
.
.
.
بیردولاندی قانلی باشین باشینه دخت صغار
دیلده حسرت قلبینین اسرارین ائتدی آشکار
.
.
.
گل بیزی بابا دولاندیر باشیوا دیندیر منی
دردمندم من ؛ سن ای دردآشنا دیندیر منی
.
قول وئرمیشدین منه،ئوز قولیوه ائتدون وفا
حیف اولا باشین گلوب تندن جدا دیندیرمنی
.
دوزدی سُکنی ایله مز ویرانسراده شاهیلر
وار ولی بوردا صفای جانفزا دیندیر منی
.
سینن اوسته خواب ائدوب اصغرمنه عمم دیوب
قوی یاتا بلکه آناسی آز یانا دیندیر منی
.
جدّیوه وئرّم قسم قال بو گئجه ویرانه ده
صبح اولونجا ای گل خیرالنسا دیندیر منی
.
دوزدی یولدان گلمیسن یورقونسان امّاباخ منه
وار گلایم کی وروب قلبه یارا دیندیر منی
.
کربلادشتینده غارت وقتی سسلوردوم سنی
اود دوشنده خیمیه گئتدون هارا دیندیرمنی
.
خیمه لر تاراج اولاندا عمه لر آغلوردیلار
اولمیوبدور بیر نفر داده چاتا دیندیر منی
.
نصفی یانمیش بیرچادردا هی دئدیم امّن یُجیب
من کیمی مُضطرّه کیم وئردی ندا دیندیرمنی
.
شامیده یولدا قالاندا عمّم آغلوردی منه
دشمنیم اما ووروب قمچی اونا دیندیر منی
.
گوئیا عالم لرین دردین ییغوبلار سینمه
سن طبیبیم اول بودرده قیل دوا دیندیر منی
.
اوچ یاشیم واردور ولی سینم منیم تنگه گلوب
دویموشام والله بو دنیادن بابا دیندیر منی
.
بیر«مُصَیـّب» آدلیَم خاتون شامه سویلرم
جان وئرنده سایه وی سال باشیمادیندیرمنی
.
.
#حضرت_رقیه #مصیبی_تبریزی #خرابه_شام #ترکی #خرابه_شام_مصیبی_تبریزی #زبدةالاشعار
نظر دهید