قلبیمی ایلمیشم ئوزگه لر عشقیندن پاک #حسنیه_روح_اله_اسماعیلی

مدح و میلادیه امام حسن مجتبی (ع)
.
.
روح اله اسماعیلی(منادی)
.
.
قلبیمی ایلمیشم ئوزگه لر عشقیندن پاک
اولموشام عاشق ذرّیهٔ شاه لولاک
بادهٔ عشقین ایچوب ایلمیشم سینمی چاک
(مرغ باغ ملکوتم نیَم از عالم خاک)
دوشموشم بیرنچه مدت یره چون دُرّ ثَمَن
تا اولام بنده درگاه همایون حسن
.
.
بیر وجودیکه صفا ویردی کرمخانه لره
ویردی مردانه لیقین درسینی مردانه لره
آشنا سوزدی کرم ایلدی بیگانه لره
قاپوسیندا ویره یر من کیمی دیوانه لره
من کیمی بی سروپایه سروسامان یتیشه
بیرباخیشداهامونون دردینه درمان یتیشه
.
.
رمضان نصفی بوگول دهریده مأوا ایلدی
گون کیمی نوری طلوع شب یلدا ایلدی
بو آقازاده او ساعت که تجلا ایلدی
آچجاقین گوز هامونی غرق تمنا ایلدی
دیدیلر ایلین عالم لری حیران کیمدی
بو که عالم دولانور باشینه هرآن کیمدی
.
.
گل گلزار ولا ؛ گوهر یکتادی حسن
خلقاً و خُلقاً و نطفاً خود طاهادی حسن
آتا حیدر آنا زهرا نه دل آرا دی حسن
کرم اهلی تانیار رتبه ده والا دی حسن
بوحسن کیمدی بونون یوخدی نظیر و مثلی
اولین گل پسر حضرت زهرا و علی
.
.
عالم و آدم اونا بنده دی مولادی حسن
قطره دور عالم امکان ولی دربادی حسن
گول آدین سسله کرم قافینه عنقادی حسن
دست رد سینه وه وورماز ایله آقادی حسن
هر نه تعریف ایلسم مدحینی دارادی آفام
دست و دل بازترین سرور دنیادی آقام
.
.
زور بازوی بو مافوق دو صد لشکردی
ئورگدن رزمی ابوالفضله همان سروردی
اله شمشیرینی آلسا ایله بیل حیدردی
جملین جنگبنه باخ گور نجه جنگاوردی
ایمدیده وارسوری کفراهلینی سیخماقیندان
شتر عایشه نی توپراقا یخماقیندان
.
.
نجه تعریف ایلیوم من او گل طاهانی
مه یوزون مدح ایلیوم یا او گوزل سیمانی
قلم عاجزدی چکه نظمه قد طوبانی
بو قَدَر وار ولی یازسام بیله بیر عنوانی
ای ایدن حُسنی سرافکنده گل و گلزاری
آنچه خوبان همه دارند تو یکجا داری
.
.
واریری حسنونه مین سوره و مین آیه گله
بیرده هیهات نظیری بیله دنیایه گله
ایستسون حسن دل آراسی اونون سایه گله
بیرجه یول کافیدی بیرحسنی تجلایه گله
گوره کنعان گوزلی هاشمی باخماقلارینی
دوغریار یوسف کنعان اوزی بارماقلارینی
.
.
ای (منادی ) اورگون گرچه بوگون خرم دی
عید دور دل ولی بیر باره ده غرق غم دی
شب میلادیدی قبری چو شب مُظلم دی
یاده دوشدوقجا مزاری گوز ایوی پرنم دی
بیرچراغ یانموری قبری غم و اندوهه باتوب
دیه سن ایمدیده قبرینده غریبانه یاتوب
.
.
گَلَر اول گون که ولی شمع وفا یاندیراروق
اتحادیله ستم بت لارینی سیندیراروق
یول بقیعه سالاروق رشتهٔ ظلمی قیراروق
اوندا بیر تو دهنی آل سعوده ووراروق
بو غریب وطنون بیز اَله گویلون آلاروق
همتیله آدینا بیر قزل ایوان سالاروق
.
.
#حسنیه #روح_اله_اسماعیلی #حسنیه_میلادیه #ترکی #زبدةالاشعار