قورولوب بزم عزا موسم ماتم یتیشوب #ورود_محرم_احمد_کاظمی

اعلان عزا و حالات حضرت ابوالفضل(ع)
..
..
..
..
احمد کاظمی زنجانی
..
..
..
..
قورولوب بزم عزا موسم ماتم یتیشوب
شیعه نون قلبینه عالمده گینه غم یتیشوب
باشلانوب شور و نوا ماه محرم یتیشوب
کوچه بازاری آلوب غصه و غم نوحه سسی
آغلیور جنت الاعلاده حسینون ننه سی
..
..
..
..

شیعه لر قاره گیوب ایلیور اعلان عزا
هره بیر گوشه ی دنیاده ائدور آه و نوا
بئله فرمایش ائدور حضرت زهرا اولارا
دیور ای اهل عزا شاد ائلدوز فاطمه نی
ائووز آباد اولا گیدوز بو قرا پیرهنی
..
..
..
..

ای حسین عاشقی گل باشه قرا باغلیاقون
بو مُحرمده یانان سینه لری داغلیاقون
یغیشوب فاطمه نون اوغلونا بیز آغلیاقون
یاحسین نغمه سینی بیز گلوب احساسه دییاخ
مشگل و ‌‌‌دردیمیزی حضرت عباسه دییاخ
..
..
..
..

گلدی عباسین آدی ایله عنایت بو سوزه
بیر نفر یوخدی حسین تک بو بلیاته دوزه
دولدی بیر وقته ولی جوشه گلن قانی گوزه
او زمانیدی یانان قلبی امامون سیخیلوب
بیلدی نهراوسته اباالفضل اوجا یردن یخیلوب
..
..
..
..

آلدی قارداش سسینی خیمه ده اول شاه اَنام
سرنگون اولدی بیلوب ساقی سرمست قیام
نهرین اوسته یتیشوب تاپدی ابوالفضلی امام
یارالی گوردی دوشوب آلدی دیزاوسته باشینی
اورگی غصه لنوب سسلدی جان قارداشینی
..
..
..
..

دئدی ای میر حرم آچ منه خاطر گوزووی
باخا بیلمورسن اَقلاً دی یاواشدان سوزووی
بی مروت لر عجب حاله سالوبلار یوزووی
آتام اوغلی دی منه باغلادی کیم یوللاریوی
هانسی نامرد دنی سالدی اوزون قوللاریوی
..
..
..
..

دور گئداخ خیمه لره قلبیمی غم غصه دلور
ئولدورور زینب ئوزون صورته گوزیاشین الور
یارالی ،باشیوین اوستن آنامین عطری گلور
مگر آلمیشدی قوجاقه یارالانموش باشیوی
گوزلرون آچ یارالی بیرده چاغیر قارداشیوی
..
..
..
..

جسم مجروحه تکان وئردی علمدار او زمان
آچدی بیر قانلی گوزون گوردی حسینی نگران
قوریان لبلریلن سوزلرینی ائتدی بیان
دئدی ای شاه اُمم آغلاما یاندیرما منی
باشیمی قوی یره قارداش چوخ اوتاندیرما منی
..
..
..
..

باشیمی آلدی اَزَل حضرت زهرا قوجاقا
منه امر ائتدی خانیم تا سنه قارداش دیماقا
وَرنه من نوکرم و سن باشیمین تاجی آقا
ایاق اوستونده دورار رسمیدی نوکر بیلوسن
من دورا بیلمدیم اما گوزومی سن سیلوسن
..
..
..
..
من دئدیم سالم آپارام بو سویی خیمه لره
بیر ایچیم اصغره وئرم او یانان صود امره
آبرو مشگینی اوخ دلدی سو گِئتدی هدره
سن قِییت من قالورام بَحر غم آکنده سیم
صود امر اصغریوون ساقی شرمنده سیم
..
..
..
..
#ورود_محرم #احمد_کاظمی #عباسیه #عباسیه_احمد_کاظمی #ترکی #زبدةالاشعار #عباسیه_شهادت