زبدةالاشعار

ولید حضرت سجاده ویردی زهر جفا #سجادیه_محبی_مراغه_ای

شهادت حضرت امام زین العابدین علیه السلام

.
✍️ #زبدةالاشعار ✍️
.
🆔: @nohe_torki
.
مرحوم حاج عطوف کتابچی ( محبی مراغه ای )
.
ولید حضرت سجاده ویردی زهر جفا
مصیبتینده دوشوبدور مدینیه غوغا
.
بهار عمرینه اسدی بو گونده باد خزان
ائدوبدور عترت اطهاری فرقتی گریان
.
جهاندا اهل ولادن بلا جدا اولماز
مقرّب اولسا بیری حقّه بی بلا اولماز
.
گوروبدی دشت بلا غملرین امام مبین
توکردی شام و سحر حسرتیله خون دلین
.
یانویدی مدت عمرینده آتش غمده
قالوبدی خوش گونه حسرت مدام عالمده
.
گورنده آب و غذا گوزیاشی توکردی امام
دیردی عترت پیغمبره سو اولدی حرام
.
ایدردی شام و سحر خالقیله راز و نیاز
مدام صائمیدی متّصل قیلاردی نماز
.
کیچوبدی عمر شریفی تقیّه حالنده
تمام شیعه لری یاندروب ملالینده
.
دیردی حق سوزین اما دعا طریقینده
ایدردی خلقی هدایت مرام حقینده
.
صحیفه سی ایلیوب گون تک عالمی روشن
مسیر حقّده آثاریدور او سروردن
.
ز بس ظهوره گلوبدور بوشاهدن اعجاز
اولوبدی درگهی امّید اهل نیاز
.
دوشوبدی دللره اوصاف فضل و تقواسی
سالوبدی دشمنی خوفه او علم دریاسی
.
چکوبدی نقشۀ قتلین ولید شوم دغا
امامی ایلدی مسموم ایتمدی پروا
.
اولوب مدینه ده بیر شور و زجّه و شیون
اولاندا آگه امامین بو گونده قتلندن
.
و لیگ عزّتیله جسمین ایتدیلر مدفون
مدینه اهلین ایدوبدور شهادتی دلخون
.
مدینه اهلی گلوبلر تمام خرد و کبار
امامی دفن ایلیوبلر مهاجر و انصار
.
بو یرده یادیمه دوشدی امام تشنه جگر
قالوبدی اوچ گجه گوندوز جنازه سی بی سر
.
قالوبدی گونلر ایوینده او نازنین بدنی
یارالاریندن آخان قان اولوب اونون کفنی
.
نه چکدی حضرت سجاد دفن ائدن وقته
قویوب حصیره او جسم شریفی آهسته
.
یازوبدی قبرینین اوستونده بارماقیلا رموز
بولون بو قبر حسیندور که ئولدوربله سوسوز
.
حسین مصیبتی ارض و سمانی آغلاتدی
شهید اولاندا حسین ماسوا غمه باتدی
.
حسین مصیبتی هر بیر مصیبتین باشیدی
محبّی آغلا حسینه که توشه گوز یاشیدی
.
.
.
#سجادیه_محبی_مراغه_ای
#سجادیه_شهادت
#ولید_حضرت_سجاده_ویردی_زهر_جفا
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سلاله شاه کربلایه سلام و مینلر تحیت اولسون #اکبریه_زلفی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی