قویاندا سجدیه باشین شهنشاه فلک درگاه – اوزون آگاه سن یارب که بو آخر نمازیمدور #حسینیه_سعدی_زمان

مناجات امام حسین (ع) در قتلگاه
.
#زبدةالاشعار
.
: @nohe_torki
.
مرحوم حسینی سعدی زمان
.
قویاندا سجدیه باشین شهنشاه فلک درگاه
آچوب دل درگه معبودینه عرض ائتدی یا الله
.
اوزون آگاه سن یارب که بو آخر نمازیمدور
سو یوخدور بو بوغازیمدان آخان قان دستمازیمدور
.
ائدوب جانانه هانسی عاشق صادق بیله طاعت
یارالی جسمیله قانلی قوم اوستی جانمازیمدور
.
سیزیلدار یاره لر دگدوقجا گون بو قانلو جسمیمده
ائدن تاثیر قلب عالمه بو سوز و سازیمدور
.
جلال و سلطنتدن لشگریمدن سربسر گیچدیم
خدنگ و نیزه و خنجر منه ایمدی ملازمدور
.
محبّت عالمینده باش و جاندان ال گوتوردوم من
حقیقی عاشقه عالمده باش و جان نه لازمدور
.
رضایم نیزه ده باشیم دولانسا کوفه و شامی
کول اوستی بیر گجه خولی ایوینده بزم رازیمدور
.
عیالیم خیمه ده فکر اسارتله یانار آغلار
سنق محملده سیر کوفه و شاماته عازمدور
.
رضایم آت دولاندورسون جنازم اوسته دشمنلر
داغلسون پیکریم چونکه رضای بی نیازیمدور
.
شکست آلات حرب اولسون کفن غسلیم قزلقانیم
خوشام بو اهل عشق ایچره منیم بیر امتیازیمدور
.
آخاردی یاره لردن قان دیردی قوم اعدایه
بو قانه خونبها خلّاق حیّ کارسازیمدور
.
سیزلتیم اوزگه عالمدور شهادت افتخاریمدور
بو پیچ و تابی عشق اهلی بُلر محبوبه نازیمدور
.
تاپولماز بیر نفر درد دلیمدن باخبر اولسون
مگر اوچ شعبه لی اوخ لوح دلده دل نوازیمدور
.
او ساعت ده سماوات اهلینه اعلان ائدوب الله
منه بیله مناجات ایلین شاه حجازیمدور
.
باخون دشت بلایه قان ایچینده ایلین ناله
حبیبیمدور وفالی عاشقیمدور پاکبازیمدور
.
منیم قانیمدی بو قان توکدولر ناحق یره اعدا
ولیِّ دم، آلا اوز قانینی البتّه لازمدور
.
ولیّیم مهدیِ قائم الیله قانیمی آلّام
توکن بو قانه مین مین قان ولیّ سرفرازیمدور
.
«حسینی» سن او محمود حقیقی دامنندن دوت
الون دوتسون دیسون محشر گونینده بو ایازیمدور
.
(1) قَالَ فَأَقَامَ اللَّهُ ظِلَّ الْقَائِمِ عَلَيْهِ السَّلاَمُ وَ قَالَ بِهَذَا أَنْتَقِمُ لِهَذَا (لهوف)
.
.
#حسینیه_سعدی_زمان
#حسینیه_شهادت #قتلگاه
#چهارده_معصوم_حسینی ص 138
#قویاندا_سجدیه_باشین_شهنشاه_فلک_درگاه
#اوزون_آگاه_سن_یارب_که_بو_آخر_نمازیمدور
#ترکی
.
#زبدةالاشعار
.
: @nohe_torki