قویدی زهرانی مزاره مرتضی گلدی نوایه #فاطمیه_اعظمی_تبریزی

دفن حضرت زهرا (س)
.
#سبک_ای_ویرن_ویرانه_یرده … 4سبک
.
.
مرحوم #اعظمی_تبریزی
.
.
.
قویدی زهرانی مزاره مرتضی گلدی نوایه
باطنا بو سس گلوبدور قبردن شیرخدایه
.
.
قبریم اوسته بیر بئله ایتمه فغان و داد عم اوغلی
ایمدی یول گوزلور حسینیم گئت ایوون آباد عم اوغلی
.
.
دوت دیله اطفالی ایوده قویما سینه داغلاسونلار
بیر بیور کلثوم و زینب باشه قاره باغلاسونلار
منزلی ایتسونله خلوت بیر دویونجا آغلاسونلار
اولماسون بو حاله حالی فرقۀ بیداد عم اوغلی
.
.
گولمدیم عمرومده بیر گون روز و شب اندوهه باتدیم
دویدوم اوز جانیمدن ایله ماسوانی گوزدن آتدیم
یاتمامیشدیم ایوده راحت قبرده آسوده یاتدیم
امنه چاتدیم اولدوم آخر غصه دن آزاد عم اوغلی
.
.
بیر زمان ایتدیم عم اوغلی گوشۀ صحرانی مسکن
ایستدیم آسوده خاطر ایلیم چوللرده شیون
قوشلاریم زیر پریمده آشیانسیز مرغ تک من
هاردا قوردوم آشیانه قویمادی صیاد عم اوغلی
.
.
بیر بئله توکمه عذاره گوز یاشون گوزدن اماندور
آهی آه اوستن چکوب چوخ آز منی حسرتله یاندور
دودمانه اول مُشَرَّف ایمدی زینب ناگراندور
گوزلری یولدا قالوب دور ایلر آه و داد عم اوغلی
.
.
یتمه دیم کامه دویونجا سینه ده حسرت آپاردیم
قبره بیر جسم یارالی بیر سولان صورت آپاردیم
جدّیمه نیلی قولومدا مایۀ محنت آپاردیم
کاش اولیدی ازّلیندن عالمی بر باد عم اوغلی
.
.
قبردن وحشت ایدردیم ای شهنشاه ولایت
تا باخاندا باشیم اوسته جدّیمی ایتدیم زیارت
حالیمی گوردی یوزیمدن من دییم چکدی خجالت
بولدی سیلی ماجراسین ایلدی فریاد عم اوغلی
.
.
#فاطمیه_شهادت
#قویدی_زهرانی_مزاره_مرتضی_گلدی_نوایه
#قبریم_اوسته_بیر_بیله_ایتمه_فغان_و_داد_عم_اوغلی
#ترکی
.
#زبدةالاشعار
.
: @nohe_torki