حالات غسل صدیقهٔ طاهره سلام الله علیها
..
..
رضا غلامپور
..
..
قویدی مغسل اوسته یارین یارینه یار آغلادی
دل آچیب گلدی دله دلداره دلدار آغلادی
..
..
جسمی اولدی نچه دم بیگانه یورقون جانینه
إئتدی سیزقین ناله نی تحمیل محض افغانینه
جان عالم حسرتیله باخدی بیر جانانینه
داغلی دلدن چکدی بیر آه شرربار آغلادی
..
..
ائیلدی غسله اراده تا امیرالمومنین
ال آپاردی خارج ائتسین سرّ حقین کوینگین
اللری اَسدی ائله بیر حاله قالدی ، دل غمین
مغسل اوسته حالینه آهسته غمخوار آغلادی
..
..
گل سریلجاق اوستونه ناگه گلاب اولموش نثار
گل نه گل سینمیش بوداقی ظلمیله فصل بهار
آشکار اولدی او دم کی سینه سینده زخم خار
باغبان ای وای دئدی حسرتله گلزار آغلادی
..
..
اولدی آثار جراحت چوخ مؤثر حیدره
هر اثر پوزدی پوزولموش حالی بیرده یکسره
بیر اثر القصّه احساسی یئتیردی بیر یئره
اوز اوزه قویدی اؤرکدن شاه ابرار آغلادی
..
..
سویلدی ای إئتمین اهل ستمدن واهمه
کیم دئدی بیر بیله محنت چک منه امّا دئمه
من سنی آخر نجه تغسیل ائدوم یا فاطمه
بو نه غمدور کی بونا هر نه غمیم وار آغلادی
..
..
ایستدی تا طاهر ائتسین طهر محضی شستشو
سویلدی اسمایه اسما گل اله آل بیر سبو
وار یاراسی قیل رعایت توک ولی آهسته سو
که بو یاره اوسته قانه باتدی مسمار آغلادی
..
..
توش اولوبدور شیشهٔ قلبی ملالت داشینا
باغلی گوزلر اوسته بیر باخ جمع اولان گوز یاشینا
بیرده اسما چوخ یاواش توک سو آغارمیش باشینا
کیم بو باشین محنتینده چرخ دوّار آغلادی
..
..
اهل باطل بو حقیقتله مقابل دوردولار
ذلّت اوسته خیمهٔ دعوانی ناحق قوردولار
بو وجودی کی وجودومدور منیم چوخ ووردولار
سانمادی هر بیر ووران کی بو وفادار آغلادی
..
..
چشم عین الله اولوب همدم سرشک غربته
اشکی گویا غسل وئردی سمبل حریته
مغسل اوسته تا گوزو دوشدی گویرمیش صورته
بیرده یاندی داغلی قلبی چشم خونبار آغلادی
..
..
بیر یئره ختم اولدی محنت دوشدی طاقتدن بئلی
ناگهان سینمیش قولا دگدی یدالهین الی
قویدی دیواره اوزون ای وای دئین لحظه علی
ناله سیندن در فغانه گلدی دیوار آغلادی
..
..
ائتدی فرمایش اولان ای اشکی جاری دامنه
گوزلریم آخرده دوشدی گور نه حالتده سنه
دوشموسن باخ گور نه حاله فاطمه ای وای منه
وای کی بو غمده عم اوغلون چکدی بیر جار آغلادی
..
..
دست محنت پوزدی بیربیر نقشهٔ پرگاریوی
ائیلدی غرق ملالت کشتی افکاریوی
قیل بیان سالموش بو حاله کیم سولان رخساریوی
کیم بو سرَّ واقف معنای اسرار آغلادی
..
..
بیر وصیت ائیلدون آخر منه جان اوسته سن
نه وصیت که إئشیدجاق آغلادیم گیزلینده من
کیم گوروب یار ایلسون اوز یارینه غسل و کفن
بو خبردن اولدی ائوده کیم خبردار آغلادی
..
..
دیدهٔ «دلپاک» اولور همدم سرشک آلیله
ماتمینده گورسنور گوزیاشلی قاره شالیله
چکدی تا شعره ملال غسلی پوزقون حالیله
دفتر اوسته خط به خط شوریله اشعار آغلادی
..
..
#فاطمیه #دلپاک #فاطمیه_شهادت #ترکی #زبدةالاشعار
نظر دهید