وداع ماه مبارک رمضان
عید فطر
.
–
سیدبشیرحسینی میانجی
–
چخدی الیمیزدن بو گوزل آی حییف اولسون
باتدی ائلهبیل گویده چخان آی، حییف اولسون
–
رحمت یاغیشی یاغدی سو، سئل آخدی چای آخدی
چوخ تئز قورودو گورّو آخان چای حییف اولسون
–
چوخ گورمه لی، چوخ سویمه لی، چوخ ایستمه لی دی
چوخ تئز بیزیلن ایلدی بای بای حییف اولسون
–
بو رسمیدی گئتسه بیری الدن، اوجالار های
گئتدی رمضان آیی دوشوب های حییف اولسون
–
بیر سفره آچیلمیشدی اوتوز گوندی، یغیلدی
اخذ ایلمه دوق درده دَیَن پای حییف اولسون
–
تسبیح تأسف اَلَه آل بیرده “بشیر”ا!
یوز یول بئله بیر آیریلیقا سای “حییف اولسون”
–
#رمضانیه_وداع #رمضانیه
#عید_فطر
#چخدی_الیمیزدن_بو_گوزل_آی_حییف_اولسون
#سیدبشیرحسینی
#ترکی
#زبدةالاشعار
.
نظر دهید