زبانحال امام حسین (ع) در بالین برادر
.
✍️ زبدة الاشعار ✍️
?: @nohe_torki
.
محمدباقر دائمی (صبا اردبیلی)
.
قوی سیلیم قانی گوزوندن
آچ گوزون یاتما ابوالفضل
اولدوز اولدوز دوغرانوبسان
آی کیمین باتما ابوالفضل
.
ال چالور دورمده دشمن
دور کمک سیز قالمیشام من
.
.
قان سوزور توپراقه قارداش
پیکروندن گوز قاشوندان
سِیل محنت لر آشوبدی
من کیمین گورم باشوندان
دور حمایت ایله قارداش
سن اوغول سوز قارداشوندان
پرچمون یاتدی اقلا
سن ئوزون یاتما ابوالفضل
.
.
صبر و طاقت قویمیوبدی
محنتون بو دردمنده
اوخ گوزوندن بوس ائدوبدی
اللرون یوخدی بدنده
نیلدون سن زینون اوستن
توپراقا قولسوز دوشنده
عالمی گوزدن آتوبسان
گل منی آتما ابوالفضل
.
.
نیزه خنجر داش ئوپوبدی
قانه باتمیش صورتوندن
غملرون قارداش عیاندی
بو کیچیلمیش قامتوندن
قامتیم دوندی کمانه
اوج درد و محنتوندن
باشوین اوسته حسینی
غمناً آغلاتما ابوالفضل
.
.
بیر گوزون سالمدی قارداش
چونکی اوخ یول سالمیوبدی
جسمیوی آغوشه اوخلار
نیزه لر تک آلمیوبدی
سینون اوسته نیزه لردن
جای سالم قالمیوبدی
بیر سینیق زورق مثالی
غصه لی باتما ابوالفضل
.
.
اولموشام سن گوز آچاندان
من سنه دلبسته قارداش
پیکرون گرچه اولوبدی
یاره لردن خسته قارداش
لااقل بیر یولدا باخسون
باخ منه جان اوسته قارداش
گل ئورک قانین گوزومده
اشکیمه قاتما ابوالفضل
.
#سبک_ای_ویرن_ویرانه_یرده (بیش از 3 سبک در سبک های : استخاره کردم امشب … گلپونه ها … )
.
.
#عباسیه_شهادت
#قوی_سیلیم_قانی_گوزوندن
#محمدباقر_دائمی
#ترکی
.
✍️ #زبدةالاشعار ✍️
?: @nohe_torki
نظر دهید