منیم وقاریم آی ننه #فاطمیه_سیفی_اردبیلی

زبانحال حضرت زینب (س) در شهادت مادرش
.
.
سبک اصلی #سبک_الهی_غملی_کوفه_نون (#جوادی)
#سبک های دیگر :
#سبک_دل_شب_ایلیوب_سفر (بدون واگیر)
(با اضافه کردن واگیر)
#سبک_الهی_دفن_ایدیم_نجه
#سبک_تا_مشکتو_تو_آب_زدی
#سبک_حسین_دوشوبدی_مقتله
.
.
سید تقی سیفی اردبیلی
.
.
منیم وقاریم آی ننه
اورک قراریم آی ننه
چراغی سوندی عمروون
صولوب بهاریم آی ننه
سوزولوب ستاره سی زینبون
کسولوبدی چاره سی زینبون
ساغالان دگول ئولنه کیمی
اوره گینده یاره سی زینبون
.
.
.
اوزون مراده چاتمیسان
منی گوزوندن آتموسان
نه تیز حیاتیدن دویوب
قرانلوق ایوده یاتموسان
اورگیمده غملی سوزوم قالوب
نه رمق قالوب نه دوزوم قالوب
باخارام یانان قاپیا ننه
یخیلان یرونده گوزوم قالوب
.
.
.
یانوبدی عترتون دیلی
سینوبدی حیدرین بیلی
جفای ثانی سوندوروب
پیمبر ایگلین گولی
اوخورام نوای فراقووی
گزرم سنون بوش اطاقووی
ستم و جفالری امتون
کسوب اوز ایووندن ایاقووی
.
.
.
خزان وروب بهاره وی
کسوبدی راه چاره وی
ویرنده غسلووی آتام
سینونده گوردی یاره وی
اورگین بو مسئله داغلادی
یوزه اشک غصه نی باغلادی
در خیبری گوتورن علی
اوجادان هارای چکوب آغلادی
.
.
.
یادیمدا وار او گون که سن
دیلونده آتش محن
قنادی باغلی قوش کیمی
ایوه گلنده کوچه دن
اورگیمی قان ایلدون ننه
ملیوب فغان ایلدون ننه
دیدیم اولما سیلی دگوب سنه
یوزووی نهان ایلدون ننه
.
.
.
شیوخ پست و پر فتن
ایدوبدی کینه سین علن
اوتوردی ایوده مرتضی
یاسووا اولمادی گلن
شه لافتی سینه داغلادی
یاسا اگلشن قاپی باغلادی
حسن آچدی کوچه قضیه سین
هامی وای دیدی هامی آغلادی
.
.
#فاطمیه #سیفی_اردبیلی #فاطمیه_شهادت #ترکی #زبدةالاشعار