غارت خیام
.
✍️ زبدة الاشعار ✍️
?: @nohe_torki
.
مرحوم حصنی خویی
.
قیامت اولدی او ساعتده که خیم یاندی
نه خیمه بلکه خواتین محترم یاندی
.
گلوبدی سیّد سجّاده عرض ایدوب زینب
نه چاره وار که اسیران درد و غم یاندی
.
مگر قبول ایلیوب قارداشیم بولار یانسون
بو نوعیلن که یانور خیمه لر حرم یاندی
.
ایشیتدی بو سوزی ناگاه سیّد سجّاد
باتوب ملال تمامه او ذوالحکم یاندی
.
بویوردی عمّه بویور چوللره داغولسونلار
مُخَدَّرات بو دم کآتش ستم یاندی
.
اولوب اجازه قاچوب چوللره بنات رسول
او دم که خیمه گَهِ شاه محتشم یاندی
.
روایت ایلدی راوی که اهل لشکریدی
سُرادقات و مافیه هر رقم یاندی
.
خیمدن اولدی نمایان بو وقتده هر طفل
او لحظه ده که تمام حَشم خدم یاندی
.
دوتوبدی دامنی اود خیمه لر یانان ساعت
بلا احاطه ایدوب زار و هیچ دخم یاندی
.
اونون او حالی منی ایلدی پریشان حال
علاجی قطع اولوب چاره سی عدم یاندی
.
بو فکریلن که ایدوم دامنین اونون خاموش
یاخون اولونجه او مظلومه یه آتیم، یاندی
.
گوروبدی چون منی بیچاره قورخودان قاچدی
دوشوبدی وحشت و خوفه، او دم به دم یاندی
.
یتیشدیم ایلدیم آخِر اونون اودین خاموش
گورونجه تا که محبّت او ذوالاَلَم یاندی
.
گوروب محبّتی مندن دیدی سلامٌ علیک
اونون او حالنه هر قلب منتظم یاندی
.
سو ایستدی اونا بیر جام ایلدیم حاضر
او شدّت حالنه قلبیم منیم او دم یاندی
.
آلوب سویی ایلدی سمت خیمه گاهه گذر
اوزی سو ایچمَدی گِتدوقجه هر قدم یاندی
.
سوال ایلدیم آخِر نیه سو ایچمیرسَن
گیدوب تفکّره اول نور مغتنم یاندی
.
بویوردی واردی بو صحراده بیر باجیم عطشان
باجیسی حالنه اول صاحب کرم یاندی
.
دیدیم ایدلّه بو ساعت تماموزی سیراب
که حالوزه بو زمان لشکر ظُلم یاندی
.
دیدی بابام چوخ عطش گیتدی میدانه
سو ویردیلر اونا یا شه اُمم یاندی
.
دیدیم حسینی بو گون تشنه کسدیلر قربان
سویی توکوب یره ناگاه او ذوالهَمَم یاندی
.
دایان بو یرده، سوزون ساخلا، حصنی وورما قلم
بو مطلب غمی ایتمه رقم، قلم یاندی
.
#غارت_خیام
#قیامت_اولدی_او_ساعت_ده_که_خیم_یاندی
#حصنی_خویی
#ترکی
.
✍️ #زبدةالاشعار ✍️
?: @nohe_torki
نظر دهید