زبدةالاشعار

لب تشنه گوروب اصغری چون حضرت عباس #عباسیه_راجی_تبریزی

حالات حضرت ابوالفضل علیه السلام
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم راجی تبریزی
.
لب تشنه گوروب اصغری چون حضرت عباس
دریا تک او دم جوشه گلوب غیرت عباس
.
.
گوردی شهدا قزلاری اللرده دوتوب جام
عباسِ علی خیمه سینه ایلیوب اقدام
هرگز او دلاورده داخی قالمیوب آرام
آرتدی او زمان درد و غم و مِحنت عباس
.
.
غیرت او دم ال ویردی او خورشید لقایه
یوز قویدی سَرا پردۀ شاه شهدایه
یتجک او شهون دوشدی ایاقینه چو سایه
عرض ایتدی که ای خاک دری شوکت عباس
.
.
هرگز داخی من ایستمرم بو یر اوزونده
موندان صورا قارداش دولانام راحت وزنده
اطفالون عطشدن سارالوب رنگی یوزونده
بو حالتی گورمکلیگه یوخ طاقت عباس
.
.
دلدن دوشوب اصغرمنه چوخ عاریدی چوخ ننگ
دلسیزلرون احوالی سنی ایلییه دل تنگ
ویر اذن گیدوم آب فراته ایلیم جنگ
درگاهیوه گلماقدا بودور نیّت عباس
.
.
ایلوب نظر عباسه او کان کرم و جود
گوردی که اولوب شیر خدا تک غضب آلود
بولدی که بو غیظیله ایدر عالمی نابود
شاه شهدادن اولا گر رخصت عباس
.
.
باش اندیروب اول شاهه گلوب با دل پردرد
توکدی یره جنگ آلتین اول شیر جوانمرد
غیظیندن اولوب رنگی کهی سرخ و گهی زرد
حیدر کیمی تغییر تاپوب حالت عباس
.
.
ایلوب او دم اوز مَغفرین آراستۀ فرق
باشدان ایاقه آهن و فولاده اولوب غرق
بیرتیغ حمایل ایلیوب شعله ده چون برق
بیرسَروِ زِرِه پوشه دونوب قامت عباس
.
.
مرکب گتوروب زینب و کلثوم او جنابه
اول مهر درخشنده سوار اولدی عقابه
خورشید چکوب گویده باشین زیر سحابه
چون گوردی او دم جلوه لنوب طلعت عباس
.
.
ایستردی که دوندرسون عنان عرصه کینه
اولدی او زمان باخبر اول ماه مدینه
گلدی گینه اظهار عطش ایتدی سکینه
چون گوردی اونی جوشه گلوب غیرت عباس
.
.
.
گوستردی عقابه او زمان بیر نچه مِهمِیز
یتدی صف اعدایه اولان شیر سبک خیز
چون گوردی عقاب اوسته اونی لشکرخونریز
اگلشدی دل دشمنه اول صولت عباس
.
.
یوز دوتدی عمر سعده که ای بی ادب اوغلی
باخ بیر منم او سرور عالی نسب اوغلی
عباس علمدار علینون غضب اوغلی
مشهور دور عالمده بوگون شهرت عباس
.
.
ممکن دور ایدم سیزلری زیروزبرای قوم
حکمومده دی دعوا گونی فتح و ظفرای قوم
اذن اولسا حسین بن علیدن اگر ای قوم
دنیانی خراب ایتمگه وار قدرت عباس
.
.
اولاد علی جمله قالوب خیمه ده گریان
عهد ایلموشم من بوگون ای لشکر عدوان
یا سوآپارام خیمییه یا تشنه ویرم جان
واداردی بو امره بوگون همت عباس
.
.
اعدایه ایدوب حمله او شیر اوغلی دمادم
تا قلب سپاهه اوزونی ویردی او ضیغم
هم میسره هم میمنه نی ایلدی بر هم
توکدی قوشونی بازوی پر قوّت عباس
.
.
تا آب فراته یتوب اول زادۀ حیدر
دوشدی یادینه آل علی اولدی مکدر
مشگی سوئیله دولدوروب اول شیر دلاور
تزخیمییه گیتمکده اولوب سرعت عباس
.
.
دورو برینی آلدی اونون اهل شقاوت
ویردی هر ایکی قوللارین اول کان سخاوت
قویموب یره مشگی گینه ده شیر شجاعت
آلدی دیشینه اولدی فزون جرأت عباس
.
.
بیرظالم بی رحم بیر اوخ قویدی کمانه
عباسون او شهلا گوزونی ایتدی نشانه
اوخ گلدی دگوب مشگه سویی اولدی روانه
بو واقعه دن ضایع اولوب زحمت عباس
.
.
گویا که قیامت اولوب اول عرصه ده ظاهر
مرکبدن اونی یخدیلار اول لشکر کافر
فکری بویودی سو آپارا خیمییه آخر
افسوس که گویلونده قالوب حسرت عباس
.
.
سسلندی اخا بیرجه تاپیدون منی ایکاش
قارداش سسنی چون ایشدوب خیمده قارداش
دوتدی یوزونی زینبه توکدی یوزه قانیاش
سویلوب بلیمی بوکدی باجی فرقت عباس
.
.
هرکیمسه بو سقّایه عزادار اولایارب
محشرده الندن ایچیدر جام لبالب
قلبینده اولار(راجنون )هرحاجت ومطلب
لطفونله روا قیل بحق حُرمت عباس
.
.
#عباسیه_راجی_تبریزی
#عباسیه_شهادت
#لب_تشنه_گوروب_اصغری_چون_حضرت_عباس
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  چوعلی به مسجدش شد به نماز صبح یزدان #حیدریه_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی