چکیلدی هر یئره قاره گینه نه ماتم دور #ورود_محرم_محمد_هوشمند

ورود محرم
.
✍️ #زبدةالاشعار ✍️
.
🆔: @nohe_torki
.
محمد هوشمند (مدهوش تبریزی)
.
چکیلدی هر یئره قاره گینه نه ماتم دور
نظام عالم امکان ندن دی برهم دور
.
نولوبدی اهل ولا باشه باغلییوبدی قرا
ندن دی گوز توکوری اشک ، دیل دولی غم دور
.
ندن اوشاق بیوکون خاطرین ملال دوتوب
باخیرسان هر یئره بزم عزادی پرچم دور
.
هلال قامتی خم ، عالمه ائدور اعلان
گلین فغان و نوایه بو آی محرم دور
.
بو آیدا فاطمه نون ییخدی اهل کین ائوینی
نه ظلم اولوبدی حسینه هنوز مبهم دور
.
هر ایل قیامته جک محنتی اولار تکرار
نچون که نور دوعین عزیز عالم دور
.
بو غمده ارض و سما همصدا ائدیر ناله
بو بزم محنته بانی رسول اکرم دور
.
بیر ایش گوروبدی حسین عشقی پاک دیللرده
که حشره جک آدی پاینده دی معظم دور
.
بو آستانه ده بیر کیمسه اولمیوب نومید
بنای عشق ییخلماز بو قلعه محکم دور
.
باخاندا پرچمه کرب و بلا دوشور یادیما
گلیب دی موجه گوزوم یاشی مثل زمزم دور
.
نه کربلا که اسیر ائیلییوب ولا اهلین
او یئرده حضرت حق جلوه سی مجسم دور
.
نه کربلا که جلالتده کعبه دن باشدی
آتا بالا یارالی قبر ایچینده باهم دور
.
اولونجه قاره گئیوب ساخلاروق عزا اقاما
حسینین عشقی بیزه هر ندن مقدم دور
.
شفادی کرب بلا تربتی آقام دی طبیب
رئوف دور اقامیز اهل درده همدم دور
.
اوزووی کشتیه سال اولما خوار و بیگانه
که سر عشقی بیلر هر او کس که محرم دور
.
منیم ده روحیم حسین عشقینه اولور مدهوش
گواه گوزده کی بو قطره قطره شبنم دور
.
.
#ورود_محرم #محمد_هوشمند
#چکیلدی_هر_یئره_قاره_گینه_نه_ماتم_دور
#ترکی
.
.
✍️ #زبدةالاشعار ✍️
.
🆔: @nohe_torki