مدح و میلادیه حضرت پیامبر اعظم (ص)
.
✍️ زبدة الاشعار ✍️
.
🆔: @nohe_torki
.
مرحوم غمکش
.
لطف ایلدی بو اُمّته، تا حضرت پروردگار
پیغمبری خلق ایلدی، اولسون جهانه افتخار
.
.
منّت قویوب انسانلارا لطف ایلدی ربّ جَلی
ختم پیمبرله اوگون تکمیل ایدوبدی مُرسلی
صلوات گوندر دوت آدین آخرده سسلن یاعلی
قرآن اوخی یاد ایله سن پیغمبره گوند سلام
لطف ایتدی بو انسانلارا حقّا خدای لاینام
.
.
گویدن ملکلر باخدیلار تعظیمه دوشدی نُه ملک
پابوسینه صف باغلادی گلدی اونون فوج مَلک
سوگند اولا ناب عشقینه فریاد ائدور ایستور کمک
آزاده لر مولاسیدی اُمّتدن همّت ایستیور
خلقی هدایت ایلیه توفیق خدمت ایستور
.
.
مدیوندی عالم حضرته سنگ محک لازم دگول
دوزدی گلنده عالمه جبریل گتدی دسته گل
ال چالما مجلسده اینان گولسونده گر آهسته گل
سجّاد آقام فرمایشی هاردا چیخار یادّان مگر
سن باخما دین سیز ملّته وئرمز بو اَل چالماق ثمر
.
.
آند اولسون حیّ داوره خورشیدیدن اظهردی بو
حقّی گرک تبیین اولا چوخ عالی بیر گوهردی بو
مثلی بونون خلق اولمیوب دنیایه پیغمبردی بو
عشق ایلسون اُمّت گرک که انبیادن باشدی بو
یعنی بیزیم مولامیزه سروردی هم قارداشدی بو
.
.
چوخ معجزاتی وار اونون عالم آرا پنهان دگول
هرکس اونا باش اگمسه بس پیروِ قرآن دگول
بیجا دئیور بیر عدّه لر چون صاحب ایمان دگول
ایمان علیدن دم آلوب سرچشمه کوثر یقین
عرشه اوجالتدی گور کیمون پیغمبر اکرم الین
.
.
افلاکیان پیغمبری گوردی ائدور حمد و ثنا
یعنی حضور قلبیله هر دم دئیور یا ربّنا
شمس جهان بو شمسدن اخذ ایلیور نور جَلا
ایلوردی هر لحظه دعا دیلدن وفالی اُمّتی
واردی گوزل بیر نیّتی معناده قصد قربتی
.
.
افسوس امّت بیلمدی قدرین جهاندا برمَلا
اولدی اورکدن چوخ غمین آخرده اولدی مُبتلا
باب نبوّت عاقبت باغلاندی ای اهل عزا
یومدی گوزون پیغمبر خاتم علی قان آغلادی
زهرا گیوبدی قاره سین هجرنده ماتم ساخلادی
.
.
قالدی وصیّت یرده باخ غوغا سالوبدی فتنه گر
تهدید ایدوبدی دینی چوخ پیر دنی عُمّال شَر
شمس ولا یاندی اوگون اطرافینی آلدی خطر
تک قالدی مظلوم زمان یعنی امیرالمومنین
ائوده اوتوردی مرتضی پیغمبره اولدی حزین
.
.
طاها باشی اوسته علی قرآن تلاوت ایلدی
تاپشوردی نعشین تپراقا قبرین زیارت ایلدی
شمشیرینی ایتدی غلاف خلقی هدایت ایلدی
امّا همان گمراهیلر گور نیلدی برنامه سین
اود ووردی یاندیردی عدو یثربده باب خانه سین
.
.
حقّ علینی غصب ایدن ظلم و جنایت ایلدی
هر نه دیدی ابلیس دون اوندان اطاعت ایلدی
پیغمبرون دستورینه چوخلی خیانت ایلدی
«غمکش» یازور امّا دیلی اودلاندی غم جریانینه
قرباندی جانلار حضرت پیغمبرون قرآنینه
.
.
.
#17ربیع
#لطف_ایلدی_بو_امته_تا_حضرت_پروردگار
#غمکش
#یادگار_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید