مأمون تلاش ایدیردی حقیقت نهان قالا #جوادیه_علیوی

امام جواد‌‌‌‌(ع) درمجلس مأمون ملعون
.
زبدة الاشعار
?: @nohe_torki
.
عُلیَوی
.

مأمون تلاش اِدیردی حقیقت نهان قالا
دیلّرده عشق آل پیمبر به باد اولا
.
ردّ ایلدی امام تقینون ولایتین
ظالم عجب دگول که جَهول و عناد اولا
.
موسی کیمین مدبّر اولان ملکیده گرک
فرعون تک مزوّر و امّ الفساد اولا
.
اوّلده قوردی مجلس بحث و مناظره
نسبت به آل حق هامی بی اعتماد اولا
.
دهرین یغیشدی مجلسه عالم نمالری
تا محفل مباحثه پرشور و شاد اولا
.
سنّی آزیدی چونکه جوادالائمه نین
فکر ایلموردیلر سوزی با استناد اولا
.
اعلملری سوال ائلیوبدور امامیدن
قصدی بوئیدی بیلمیه اخذ مراد اولا
.
حضرت ائله جواب وئروب مدعیلره
کین اهلی گوردی عزّتی ایستور زیاد اولا
.
مأمونه سوئلیوبدیله قورتار بو مجلسی
انسان نقدری زندگیده باسواد اولا
.
مین رشتیه بولونسه له عالمده علم لر
تک به تکینده بیرکس اگر اوستاد اولا
.
دنیانی مکتب ایلیه تحصیل علمینه
دریامرکب اولسا آغاشلار مداد اولا
.
فن و فنون جامعه ده اولسا نابغه
احکام شرعیده سمتی اجتهاد اولا
.
یردن گویه خبر آپارا ؛عرشیدن یره
امکانی یوخدی بیر،سر موی جواد اولا
.
آری جواد دور بو رضانون بالاسیدور
سبط النبی دی خیر نسانون بالاسیدور
.
اگمز باشین زمانه ده مرحب روشلره
بت سیندراندی شیر خدانون بالاسیدور
.

#جوادیه_مدح
#مأمون_تلاش_ایدیردی_حقیقت_نهان_قالا
#علیوی
#ترکی
.
#زبدةالاشعار
?: @nohe_torki