یا جوادالائمه ادرکنی
.
✍️ زبدة الاشعار ✍️
?: @nohe_torki
.
مهدی فعال
.
قاپوندا گوز نقدر ایشلیور گدا گورونور
گوزیمه کیم گورونور عشقه مبتلا گورونور
.
سیزین بو درگهیزین نوری خط وئرور طوره
که اهلبیتیده والله خود خدا گورونور
.
بو نور لایتناهی نی گوز گوز اولسا گورر
خطاسی مندن اولور ورنه برملا گورونور
.
قاپوندا دورماقا وئرسن اجازه بسدی منه
قاپیوا توپراق اگر یوز قویا طلا گورونور
.
کرم قاپون آچیلور ساعت اولجاقین دوقّوز
نه جور شلوغ اولا قورتارمیان عطا گورونور
.
ئوزون اوچومجی محمد آتان اوچومجی علی
جواد جلوه ائدور حضرت رضا گورونوز
.
او گونکه نوکروز آقا تاپوب سواد یازار
ائله همیشه سلامُ علی الجواد یازار
.
.
.
سن ایلینده کریملیق جهان اولار محتاج
زمین سنه باش ایر آسمان اولار محتاج
.
او حاتمی که کرمده تانور دوعالم اونی
سن ایلینده کریملیق همان اولار محتاج
.
نقاب اگر که جمالوندن آیری دوشسه سنون
جمال یوسف کنعانیان اولار محتاج
.
سن عین ذات خدا بیر کسه نیازون یوخ
ولی یاندندا زمین و زمان اولار محتاح
.
نقدری وئرسه ده جولان زمانه ده؛ آخر
سنه خلیفه ی عباسیان اولار محتاج
.
سیزه دیوبدیلر آقا بیزی یازوبلا غلام
تمام سلسله ز اولدی امام ابن امام
.
.
.
بو کیمدی جودی گوزلدور عطاسی یاپدا گوزل
بو کیمدی حرزی گوزلدور دعاسی یاپدا گوزل
.
دئدیم دوا منه وئر یازدی نسخه م اوستونه : عشق
بو کیمدی دردی گوزلدور دواسی یاپدا گوزل
.
نه چوخدی گورملی گل گلشن پیمبرده
گوزلدی تک تکی ابن الرضاسی یاپدا گوزل
.
آتاسی شاه خراساندی عالمه سلطان
ئوزی که نورُ علی نور آتاسی یاپدا گوزل
.
بو نسل فاطمه نون ائولری نه گویچکدور
که کاظمینی گوزل کربلاسی یاپدا گوزل
.
کرم و جودیدی معروف اولان مرام جواد
کیم ایسته سه وئره جاق کربلا امام جواد
.
.
.
بو کیمدی یددی یاشیندا مسیحیدور بو آقا
قوی بیاندی کلامی فصیحیدور بو آقا
.
مثلده سینه سی قرآن زنده دور گویا
و کلّ شی جعلناهُ فیه دور بو آقا
.
دئسن جلالینی هیبتده بی نظیریدی بو
دئسن گوزللیقین اما ملیحیدور بو آقا
.
نسیم صبحی اونون زلفینی زیارت ائدر
ملک لره گل ئوزوندن ضریحیدور بو آقا
.
ئوزی جوان ائمّه جوانلار ایچره مثل
علی اکبره کلاً شبیهیدور بو آقا
.
رضا دیردی گورنده پیمبریم گلدی
دیردی عمه سی معصومه اکبریم گلدی
.
.
.
وجودی هامیا آرامش روانیدی
هامی دیردی دانیشسین که خوش بیانیدی
.
مدینه لیدی که بغدادیده اسیریدی
گجه زمانی اونون موسم فغانیدی
.
فلک گوروردی اونون ییرمی بش یاشی واردی
شهادتینه تزیدی هله جوانیدی
.
بیر عمری قاتلینه ائوده دوز چورک وئردی
زبس کریمیدی از بس که مهربانیدی
.
غریب گیره اونی سالدیلار کنیزلری
او حجره ده ییخیلان حجت زمانیدی
.
عطشدن اوندا یره سینه سینی سورتردی
که جان دوداقه گلوب موسم خزانیدی
.
چالاردی چون ال ایاخ سسلنردی واجدّاه
حسینون اکبرینه اوندا روضه خوانیدی
.
دیردی منده جوانم باشیمین اوستونه گل
یانیمدا چوخدی گولن دشمنیمده جانیدی
.
عبا گتورمه عبا ایچره ییغمالی دییرم
فقط او اکبریدی جسمی پارچا قانیدی
.
دمشقیدن دئدی بغداده گل بی بی زینب
خیال ائله علی اکبر دوشن زمانیدی
.
یانیما گل او عبادن دئنن منه عمه
اولحظه دن که حسینون ئورگی قانیدی
.
ئوپردی یوز گوزینی سسلنردی یاولدی
ایاقه دور سنه قربان اولوم بی بون گلدی
.
#جوادیه_مدح
#جوادیه_شهادت
#قاپوندا_گوز_نقدر_ایشلیور_گدا_گورونور
#مهدی_فعال
#ترکی
.
✍️ #زبدةالاشعار ✍️
?: @nohe_torki
نظر دهید