در وصف و حالات بزرگ بانوی کربلا حضرت زینب کبری سلام الله علیها
..
..
..
..
رضا غلامپور (دلپاک)
..
..
..
..
مالک مملکت شور و شهامت زینب
صاحب مصطبة صبر و صلابت زینب
..
بارگاه شرفی ملجأ افراد شریف
حکمران قدر ملک شرافت زینب
..
سِلم خاصیله سَلونی دئینه روح و روان
یعنی محبوبه ی سلطان ولایت زینب
..
اولدی تا فکر حدوثیله معین احراره
وئردی اندیشه ی حرّیّته قدمت زینب
..
اولدی حاکم هامی اقلیم عفاف و سِتره
آلدی تا فاطمه دن حکم نیابت زینب
..
وورماسیدی، هامی افسانه ایدی طاقت و تاب
چهره ی طاقته گر رنگ حقیقت زینب
..
جبهه ی عیشه دوزولموش عرق شرم و حیا
وادی رنجه ائدن لحظه حکومت زینب
..
مقدم قلب گرانقدرین ئوپوب صبر جزیل
صورا عرض ائتدی منه ایله کرامت زینب
..
ربکم فاعبدوه آیه سی اولدی تفسیر
ائتدی تا حضرت معبوده عبادت زینب
..
قدسیان دوره لدی دلده هامی یا سُبّوح
ائتدی تا حضرت سبحانیله خلوت زینب
..
لحن ایثاریله خلوتگه میثاقینده
ایلدی سوره ی ایمانی تلاوت زینب
..
تاپمادی غم دل زینبدن اوزو استمهال
غمه آسوده اولا وئرمدی مهلت زینب
..
تا قویوب سجدیه باش عشق مصلاسیندا
تک به تک بولدی ندور سرّ ملالت زینب
..
زین اَب آدین اونا حیّ ازل گوندردی
بوله عالم کی اولوب حیدره زینت زینب
..
بیر به بیر واله اولوب حسرت اوزیله خدمه
تا کی مخدومه ائدیب شوقیله خدمت زینب
..
گل کیمی باد خزانیله سولوب وئردی ولی
گلشن عصمته اشکیله لطافت زینب
..
مارایت دئدی تا کیف رایت دئینه
دئدی کیمسن منه سن سویله مصیبت، زینب
..
قلع و قمع اولدی هامی هیمنه ی استبداد
وئردی تا نطق الینه تیغ فصاحت زینب
..
عمروجه محضرینه هر نه بلا گلدی گوروب
باشه عزتله قویوب افسر شوکت زینب
..
ای حرمخانه ی اسراریده ناموس وجود
وی حیا جوهره سی حضرت عفت زینب
..
شهره ی شهر حیاسن ملک مُلک حجاب
سنیله تاپدی بولار شهریده شهرت زینب
..
سنله اولسیدی خلایق سیلینردی بالله
صفحه ی جامعه دن واژه ی ذلت زینب
..
شیوه ی نطقیوه مدیونیدی تا وقت نشور
جان منشور سخن روح بلاغت زینب
..
شرعی تشریح ائلین لحظه خواص الناسه
دئدی احسنت سنه شرح شریعت زينب
..
مسلک حلمده کیمدور سنه عالمده رقیب
کیمدی سندن ائده بو یولدا رقابت زینب
..
تاپمیسان سن نه کی عزت که تاپیبدور او سنی
وار یئری قویسان اگر عزته منت زینب
..
اولماسا گر بصر قلبه غبار قدمین
توتیا،هاردا تاپار نور بصیرت زینب
..
وه کی بیربیله غمیله حرم حرمتیوه
تاپمادی یول گله بیر لحظه حقارت زینب
..
گول کی پامال خزان اولدی سولان گلشنده
ووردی بنیادیوه اود آتش غیرت زینب
..
سسلدون ای گل باغ نبوی سولما بئله
که دوزنمز گوره یوخ سنده طراوت زینب
..
نچه مدت سنیله اولماقا فخریله قرین
بند زنجیرون اولوب قید اسارت زینب
..
نه اسارت نه حقارت نه رسن کی ووردون
دشمنون اوز ائوینه بیرق نصرت زینب
..
وارمیش سیزده نه افیاض قرین که دائم
غربت ایستیردی تاپا سنله قرابت زینب
صون نفس خواهش قلبیله دئدون گل قارداش
نجه گور جانه دویوب خسته ی محنت زینب
..
طائر جانیله غربتده عقاب اجلی
سالماقا دامه چکیب رنج و مشقت زینب
..
گل سینیق گویلونی آل بیرده گئچن گونلر تک
که نه مدتدی قالیب بو ایشه حسرت زينب
..
گل گلن یولارا قربان که دئسون آهسته
کربلاده نه چکیب موقع غارت زینب
..
ساربان قطع ایلین اللری قوی سینه سینه
که یوموب خسته گوزون جان وئره راحت زینب
..
گوز آچانان بویودی دلده اراده کی سنه
شوقیله بسلیه قلبینده ارادت زینب
..
گلدی عشقونده نه غم قصد عذابیله حسین
تک به تک غملریله ائتدی رفاقت زینب
..
عرض قیلدیم نه، بهانیدی هامی قصد بودور
که سنی ایستیر ائده بیرده زیارت زینب
..
بیرده دلپاک تمنا ائدیر ای حضرت عشق
که اونا ایلیه محشرده شفاعت زینب
..
سنه خاطر که سنون درگهوین نوکریدی
اونا بیر لطف قیلار روز قیامت زینب
..
#زینبیه #دلپاک #زینبیه_مدح #زینبیه_شهادت #ترکی #زبدةالاشعار
نظر دهید