اربعین
.
✍️ #زبدةالاشعار ✍️
.
🆔: @nohe_torki
.
حاج یحیی فغانی تبریزی
.
اجازه ویر دیوم هجرونده باغری قان اولالی
نه چگمیشم منه شام اهلی میزبان اولالی
.
اورکده سوزش حسرت دوباره گلدی باجون
فراق یاریله دل لخته لخته قان اولالی
.
جهاندا سن کیمی قارداش منیم کیمی خواهر
گوروبدی یوخسا برادر جهان جهان اولالی
.
نظر بو غم کشه بیر ایله گور باجون قوجالوب
سنون غمونده رسا قامتی کمان اولالی
.
نماز شب قوری یئرده صفاسی چوخ واریمش
نشسته قیلمشام البته ناتوان اولالی
.
ایدوبدی بوته غملر طلای عشقمی ناب
شرار هجره هدف مغز استخوان اولالی
.
شب فراقده گوز تگمیشم ستاره لره
جمالون آئینه مهر کهکشان اولالی
.
نسیم رحمت اسور دشت کربلایه عجب
مکان پیکر صد چاک لامکان اولالی
.
سپردی باشینه توپراق بو چولده چرخ کبود
وجود ذی شرفون زیب خاکدان اولالی
.
مریض عشقه شفادور بو تربتون یارالی
بوغازوون قانی خاکیله توأمان اولالی
.
یارم گونون غمی الله بولور قوجاتدی منی
جفای شمریله گلزار دین خزان اولالی
.
گمانه گلمزیدی بیرده من بو دشته گلم
اسیر فرقه بی شرم کوفیان اولالی
.
نه ظلملر که بیزه ایتمیوبدی کوفه لیلر
حرایم شه بطهایه میزبان اولالی
.
دیار کوفه ده شرمنده اولدی مهر فلک
باشون جداده سنون مهر خاوران اولالی
.
گلوبدی الده حنا پیشوازه کوفه لیلر
دچار فتنه دل قهر آسمان اولالی
.
بیر عده آدلاری مسلم اسیر نفس دنی
چخوبدی یولدان اوگون وقت امتحان اولالی
.
چالاردلار منه کف کوفه ده زنان جهول
گوزوم عزای حسینیمده خونفشان اولالی
.
دیار کوفه سنون گوردوقون او کوفه دیور
امیر کوفه او نامرد بد زبان اولالی
.
گوروبدی یاسلی دی زینب قوروبدی مجلس عیش
زیادین اوغلی بو غصه مده شادمان اولالی
.
اولیدی اکبریم ای کاش یئرده منله حسین
جسارت ایتمزیدی کیمسه اول جوان اولالی
.
او بزم عیشده قارداش ئولوب دیرلدی باجون
حیالی قیزلاروون گوزیاشی روان اولالی
.
نه عرض ایدوم نجه زندان کوفه دن قوتولوب
دیار شامه طرف قصد کاروان اولالی
.
جهازسیز دوه یول چوخ نه چکدیلر بالالار
دمشقه قافله تا یوز قویوب روان اولالی
.
سنان و شمرین الیندن نه چکدی آل رسول
امیر قافله میز شمریله سنان اولالی
.
فلکدن اینجدیم آخر دیار شام ایچره
خرابه مسکن آشفته گیسوان اولالی
.
مشرّف ایتدی بیزی عاقبت یارالی باشون
خرابه گوشه سی بیر گوشه جنان اولالی
.
گیجه زمانی اوبزم ایچره اوزگه عالم اولوب
قیزون رقیه او مجلس ده نوحه خوان اولالی
.
یاتاردی قاف قناعتده توپراق اوسته قیزون
خرابه گوشه سی عنقایه آشیان اولالی
.
آلوب یارالی باشون سینه اوسته ئولدی بالان
فدای مقدم شاهانه مرغ جان اولالی
.
او نازدانه ئولن دم صفای سینه م ئولوب
انیس دی منه آخر او دلستان اولالی
.
نه بولدی ایلدی قارداش بیزه یزید دنی
قولوندا زور جفا الده خیزران اولالی
.
خدا بولور که جانیمدان چخوبدی زحمت شام
حسینمین آدی عالمده جاودان اولالی
.
ولایت اوسته اسیر اولموشام بو مدتی من
دلیمده ذکر علی میر مومنان اولالی
.
مناره لر ده مبارک آدین دیدیم که دیون
قولومدا ظلم اسارتله ریسمان اولالی
.
گترمه سین دیموشم کیمسه بی وضو آدینی
بو امری نهی ایلیوب شاه انس و جان اولالی
.
کیمون نه جراتی واردور علینی سبّ ایلسون
علی علی دیرم من جانیمدا جان اولالی
.
بو یولدا چوخلی اذیتلره دوزوبدی رباب
منیله نشر ولایتده همزبان اولالی
.
#فغانی اوزگه سعادت نصیب اولوبدی سنه
فنا جهاندا غلام بو آستان اولالی
.
.
#اربعین_فغانی_تبریزی
#اجازه_ویر_دیوم_هجرونده_باغری_قان_اولالی
#ترکی
.
✍️ #زبدةالاشعار ✍️
.
🆔: @nohe_torki
نظر دهید