ماه محرم اولدو، شفقدن چیخیب هلال #ورود_محرم_فضولی

ورود ماه محرم
.
زبدةالاشعار

?: @nohe_torki
.
حکیم ملا محمد فضولی
.
ماه محرم اولدو، شفقدن چیخیب هلال،
قیلمیش عزا تؤکوب قد خم بیرله اشک آل
.
اولاد مصطفایا مدد قیلمامیش فرات،
کئچیرمه سینمی یئرلره آنی بو انفعال؟
.
چوخدور حکایت الَم شاه کربلا،
البته چوخ حکایت اولور موجب ملال
.
قصد ائیله سن، غمِ شهدا شرحین ائتمه گه،
هر سبزه کربلادا آچیبدیر زبانِ حال،
.
تجدید ماتم شهدا قیلدی روزگار،
زار آغلا، ای کؤنول! بوگون اولدوقجا احتمال
.
میدان چرخی جلوه گه دود آه قیل،
گردونِ دونه کسوت ماتم سیاه قیل
.
ماه محرم اولدو، مسرّت حرامدیر،
ماتم بو گون شریعته بیر احترامدیر
.
تجدید ماتم شهدا نفعسیز دگیل،
غفلت سرای دهرده تنبیهِ عامدیر
.
غوغای کربلا خبرین سهل سانما کیم،
نقض وفای دهره دلیل تمامدیر
.
هر ذره اشک کیم تؤکولور ذکر آل ایله،
سیاره ی سپهر علوّ مقامدیر
.
هر مدّ آه کیم چکیلیر اهل بیت اوچون،
مفتاح باب روضه ی دارُالسّلام دیر
.
شاد اولماسین بو واقعه دن شاد اولان کؤنول
بیر دم بلا و غصه دن آزاد اولان کؤنول
.
تدبیر قتل آل عبا قیلدین ای فلک!
فکر غلط، خیال خطا قیلدین، ای فلک!
.
برق سحاب حادثه دن تیغلر چکیب،
بیر – بیر حواله ی شهدا قیلدین، ای فلک!
.
عصمت حرمسراسینا حرمت روا ایکن،
پامال خصم بی سر و پا قیلدین، ای فلک!
.
صحرای کربلادان اولان تشنه لبلره،
ریگ روانی سیل بلا قیلدین، ای فلک!
.
تخفیف قدر شرعدن اندیشه قیلمادین،
اولاد مصطفایه جفا قیلدین، ای فلک!
.
بیر رحم قیلمادین جگری قان اولانلارا،
غربتده روزگاری پریشان اولانلارا
.
باسدیقدا کربلایه قدم شاه کربلا،
اولدو نشان تیرِ ستم، شاه کربلا
.
دود دل پر آتش اهل نظاره دن،
ائتمیشدی پرده دار حرم، شاه کربلا
.
اولدوقجا عُمرو، راحت دل گؤرمه ییب دمی،
اولموش همیشه همدم غم، شاه کربلا
.
اعدا مقابلینده چکنده صف سپاه،
قیلمیشدی مدّ آهی عَلَم، شاه کربلا
.
یا شاه کربلا نه روا بونجا غم سنه،
درد دمادم و المِ دم به دم سنه؟
.
ای دردپرورِ اَلَمِ کربلا، حسین،
وی کربلا بلالارینا مبتلا حسین،
.
غم پاره – پاره باغرینی یاندیردی داغ ایله،
ای لالهی حدیقه ی آل عبا حسین
.
تیغ جفا ایله بدنین اولدو چاک- چاک،
ای بوستان سبزه ی تیغ جفا، حسین!
.
یاخدی وجودونو غم ظُلمت سرای دهر،
ای شمع بزم بارگه کبریا، حسین
.
دُور فلک ایچیرتدی سنه کاسه – کاسه قان،
ای تشنه ی حرارت برق بلا، حسین
.
یاد ائت #فضولی آل عبا حالین، ائیله آه،
کیم برق آه ایله یاخیلیر خرمن گناه
.
#ورود_محرم
#ماه_محرم_اولدو_شفقدن_چیخیب_هلال
#ملامحمدفضولی
#ترکی
.
#زبدةالاشعار

?: @nohe_torki