کلام آخر امام با خواهر در قتلگاه
✍️ زبدة الاشعار ✍️
?: @nohe_torki
.
مرحوم حاج عبدالرحیم شباهنگ(هندی)
.
وقت ظهر اولوب یتیشدی عمریمون زوالی زینب
دور ایاقه گیت خیامه ای باشی بلالی زینب
.
.
شرط اوّل وفادور ماسوانی گوزدن آتماق
باش ویروب سرِ سِنانه حق یولوندا باش اوجاتماق
اهل عشقه خوشدی بیله ایستی قوملار اوسته یاتماق
گیچمیشم بوباش و جاندان مست عشق اولالی زینب
.
.
گلشن وفاده سینم رنگرنگ گل آچوبدور
مین دیلیله زخم جسمیم شرح حاله دل آچوبدور
قلبیمی دَلوب گیچوب اوخ باب درد دل آچوبدور
وار یارام سیزیلدیاندا اوزگه بیر مَقالی زینب
.
.
قسمت ایئتدیلر بلانی بیله دوشدی طرح قسمت
اوچ‌گون اوچ گیجه چکوم من ایستی قوملار اوسته زحمت
سن منیم حرملریمدن بیر دقیقه ائتمه غفلت
ییق باشوا وار باشوندا قِرخه دین عزالی زینب
.
.
من بویانمشام بو قانه باری سن بویانما باجی
چوخ یانوب یانقلی قلبون بیر علاوه یانما باجی
قالدی باشسیز اهل‌بیتیم دورما گیئت دایانما باجی
قویما چولّلرده داغیلسون قارداشون عیالی زینب
.
.
ایمدی باش آچوب حرملر تا جانیندا جان وار آغلار
دیلده نغمه حسینی متّصل سیزیلدار آغلار
سنکه گلمیسن سکینه‌م ساکت اولماز آغلار آغلار
ضعف ایدوب دوشر نفسدن گُل کیمی سارالی زینب
.
.
گیت یتمیلیق لباسین اهل‌بیتیمه گییندور
ناقیه اوزون اولاری استراحتیله میندور
خورداجا اوشاقلاریمی چوخ محبّتیله دیندور
سالگلن منیم باشیم تک باشه مین خیالی زینب
.
.
باجی بیله یولما زلفون غم بساطین ایمدی قورما
وار هواده چوخ حرارت بوگون ایستی سینده دورما
گیئت من اولمِیونجه هرگز گل یوزیوه سیلی وورما
وورما سیلی ایئتمه نیلی سن او رنگ آلی زینب
.
.
باشیم اوسته آچما باشون دور و برده واردی دشمن
یامنیم گوزومی باغلا گورمیوم باجی سنی من
یا یانیمدا وورما باخما بو یارالی جسمیمه سن
گورمیوم سنون او حالون گورمه‌سن بوحالی زینب
.
.
موج بحر خونِ جسمیم تا آشوبدی باشدان آغلا
سنده بیر دقیقه چکمه اَل بو قانلو باشدان آغلا
تا منیم جانیمدا جان‌وار آغلاسان یاواشدان آغلا
دوزمرم سسون ایئشیتسه کوفه‌نون رِجالی زینب
.
.
بو بلالی باشیمون چون باشه یتمیوب بلاسی
شمر الینده خنجریله وار بیر اوزگه ماجراسی
باشیمی کسر یانوندا یوخ او ظالمون حیاسی
بیحیانی سینم اوسته گورمه‌سن حیالی زینب
.
.
گیت دیزون قوجاقلا اگلش وئرمه حالتیوه تغییر
اوندا که باشیم کسیلدی باشه یئتدی امر تقدیر
سسلرم جدا باشندا من اوجا سسیله تکبیر
اوندادور تدارکون گور شامه کربلالی زینب
.
.
#سبک_سو_یوخومدی_قزلاروندان (بیش از 5 سبک)
.
#حسینیه_شهادت
#قتلگاه
#وقت_ظهر_اولوب_یتیشدی_عمریمون_زوالی_زینب
#هندی_تبریزی
#ترکی
✍️ #زبدةالاشعار ✍️
?: @nohe_torki
نظر دهید