ماه محرم
.
✍️ #زبدةالاشعار ✍️
.
🆔: @nohe_torki
.
غفاری زنجانی
.
ماه محرم اولدی عالم نوایه گلدی
چخدی حسین وطندن کرب و بلایه گلدی
.
.
واردور یری بو نوعی سسلنسه گر مدینه
گیتمه اماندی گیتمه ای سرور اهل دینه
اولما رضا پریشان اولسون خانم سکینه
باجادی عرض ائدم گر زهرا صدایه گلدی
.
.
ای نور عین زهرا گیتمه هارا گیدورسن
بو گیتمگونده واردور چوخ ابتلا گیدورسن
یوخ کوفه ده حسینیم صدق و صفا گیدورسن
ترک ایلدی آناسین حقدن دفایه گلدی
.
.
گوردی خطرده دینی اول نیّر امامت
احساس ایدوبدی ایتسون قرآن و دینه نصرت
فرمان حقّه باخدی ایندی وطندن هجرت
بو باره ده بلوردی طاهایه آیه گلدی
.
.
بیر بی صفا مکانه گلدی صفا گتوردی
قانلو منایه یتمش نچّه فدا گتوردی
حق آشناسی باشدا آز آشنا گتوردی
ایثار درسی ویرسون اهل ولایه گلدی
.
.
بیر دشت پر بلاده ایتدی نزول اجلال
تا آیۀ جهادین اعمالین ایتسون اکمال
پرچم وروبدی ایندی برپا خیام فی الحال
دوشسون خدایه خاطر هر ابتلایه گلدی
.
.
اف بیر بیله جهانه بو چرخ کجمداره
ویردی شریح فتوا بیر عده اهل ناره
ئولدورمگه امامی گلسونلر اول دیاره
ری وعده سی وئریلدی خصم دغایه گلدی
.
.
عاشور ماه ماتم نظم جهان پوزولدى
زهرا باغندا گللر اولدی خزان پوزولدی
گوردی حسینون حالین اهل جنان پوزولدی
طاها دیدی حسین وای عیسی عزایه گلدی
.
.
قاره یل اسدی شیون یردن سمایه چخدی
گوردی جهانی ظلمت آی تز فضایه چخدی
واضح دیوم حسینون باشی جدایه چخدی
داده چاقوردی زینب اوردان هرایه گلدی
.
.
یر ایلدی تزلزل دوتدی جهانی ظلمت
ال باشدا قتلگاهه یوز قویدی آل عصمت
آیا نه چاره ایتسون بیر عدّه بیکس عورت
لشگر به فکر غارت خیمه سرایه گلدی
.
.
غفارینی پوزار چوخ بو ماجرای غارت
چوخ غملی ماجرادی بو غصه لی حکایت
آل رسوله اولدی برپا او گون قیامت
شرحینده خامه عاجز دفتر نوایه گلدی
.
.
.
#ورود_محرم #غفاری_زنجانی
#ماه_محرم_اولدی_عالم_نوایه_گلدی
#ترکی
.
✍️ #زبدةالاشعار ✍️
.
🆔: @nohe_torki
ماه محرم اولدی عالم نوایه گلدی #ورود_محرم_غفاری_زنجانی
نظر دهید