ورود ماه محرم
.
✍️ #زبدةالاشعار ✍️
.
🆔: @nohe_torki
.
#سبک_آتدان_یره_چون_دوشدی … #سبک_یاران_چه_غریبانه … #سبک_ای_شمع_حرمخانه …
.
منتظری شریف آباد
.
.
قانیله اولوب لبریز پیمانه محرّمده
قان ساغرینه تشنه فرزانه محرمده
تسلیت ، تسلیت ، بقیّهَ الله
سیّدی ومولای ، آجرَکَ الله
.
.
.
قاره گینوب خلقت آثار مصیبتدن
امواج محَن قالخورفیض ابدیّتدن
اجرام فضا حیران ابراز ارادت دن
ناله اوجالوب فوقِ کیوانه محرّمده
.
.
.
جام ازلی پیمان عُشّاقه هوس افشان
میثاق اَلَست هرآن باطل هوسه زندان
ذکر اولسا حسین آدی تعطیله گیدر عصیان
سیلی ورولار محکم شیطانه محرّمده
.
.
.
دایردی عزا بزمی گوداله دوشن شاهه
شمشیرِلر آلتوندا بیکس ولی اللهه
دریای فرات اوسته اوز اوسته باتان ماهه
آی باتدی گونش باتدی القانه محرّمده
.
.
.
اوخ نیزه قلج حاکم ، پیغمبرون اولادی
اوج ایلدی هَل ناصر نصرت ایدن اولمادی
قانیله رقم تاپدی قطعنامه ی آزادی
نمرودلراوخ آتدی قرآنه محرمده
.
.
.
ثارُ اللهه کفر اوسته ارباب ستم تشنه
ترک ایلدی دریانی سالار علم تشنه
گون اِئسِی هوا ائسّی شه تشنه حرم تشنه
رحم اولمادی لب تشنه طفلانه محرمده
.
.
.
ایمان پوزولوب امّت یاران ابوسفیان
شرّ اولدی بشر حتّی گور یتدی هارا عِصیان
سو اوسته روا گلدی صود سوز اوشاقا پیکان
ششماهه هدف اوچ پر پیکانه محرمده
.
.
.
بیر مشک سووا خاطر سقّا بویانوب قانه
ال هدیه و گوز هدیه اخلاصِله قرانه
اَشباه رجال حتّی اوخ وردولا ابدانه
لعنت ایله بد مایه انسانه محرّمده
.
.
.
یاز (منتظِرا) نوحه عنوان ایله عباسی
عباسِله زیبادی شاه شهدا یاسی
چون ذیل بو نهضتده وار زینبون امضاسی
ویر زینب آدین زینت دیوانه محرّمده
.
.
.
.
.
#ورود_محرم #منتظری
#قانیله_اولوب_لبریز_پیمانه_محرمده
#ترکی
.
✍️ #زبدةالاشعار ✍️
.
🆔: @nohe_torki
نظر دهید