ماه محرم اولدی گل ماتمه یابن العسکری #ورود_محرم_ساعد_زنجانی

ورود ماه محرم
.
✍️ #زبدةالاشعار ✍️
.
🆔: @nohe_torki
.
مرتضی اسکندری(ساعد)زنجانی
.
ماه محرم اولدی گل ماتمه یابن العسکری
گل نظر ایله بو اسن پرچمه یابن العسکری
.
.
هارداسان ای عزیرجان جان یتشوب دوداقلارا
قاره گیندیروبدولر خوردا بویوک اوشاقلارا
زمزمه حسین حسین زنگ اولونوب قولاقلارا
جدیوین آدین ایلروک زمزمه یابن العسکری
.
.
قاره چکیلدی گویلره شاه زمن عزاسیدی
نور دو عین فاطمه شیعه لرون آقاسیدی
صدقیله آغلیانلارون کرب وبلا جزاسیدی
ذکر حسینی ویرمروک هیچ دمه یابن العسکری
.
.
وار یری قانیلن دولا گوزلریمون پیاله سی
منتشر اولدی عالمه بزم عزا حواله سی
اولدی حسینون آدینه کرب وبلا قباله سی
شیعه لرون توانی یوخ بو غمه یابن العسکری
.
.
دسته لرون سالوب یولا شهریمیزون اوشاقلاری
قاره لرون گیوب گینه فاطمه نون قوناقلاری
یاده سالولا دمبدم پارچالانان دوداقلاری
شکوه ایوله قان اولان علقمه یابن العسکری
.
.
قاره چکیلدی تازه دن کوچه لره ملالیلن
جدّیوه یاس دوتوبدولار عزِّتیلن جلالیلن
گل یولا سال قوناقلاری باشداکی قاره شالیلن
نشر اولا نور طلعتون عالمه یابن العسکری
.
.
شکر اولا ذات اقدسه چیخمامیشوق مسیریدن
آیری سالوبدور حق بیزی ملت بی بصیریدن
حشریده آیری سالماسون منتخب غدیریدن
شیر خدا امیریدور عالمه یابن العسکری
.
.
سن سن عزیز فاطمه صاحب مجلس عزا
قاره گینلرون جانی غصه لی جانیوه فدا
جدیوه آغلیانلاری لطف ایله سالگیلان یولا
گوزلریمیز فدا گلن مقدمه یابن العسکری
.
.
#ورود_محرم #ساعد_زنجانی
#ماه_محرم_اولدی_گل_ماتمه_یابن_العسکری
#ترکی
.
✍️ #زبدةالاشعار ✍️
.
🆔: @nohe_torki