ماه محرّم اولدی عالم سراسر آغلار #ورود_محرم_سعدی_زمان

ورود به ماه محرم
.
#زبدةالاشعار
.
: @nohe_torki
.
#سبک_احوالیمیز_یاماندی … 10 سبک
.
مرحوم حسینی سعدی زمان
.
ماه محرّم اولدی
عالم سراسر آغلار
مظلوم ئولن حسینه
جدّی پیمبر آغلار
.
.
گلزار دین اسلام اولدی خزان بو آیدا
آغلار اودور سراسر اسلامیان بو آیدا
آچسا شکوفه گُلسه هر گلسِتان بو آیدا
دنیا بویونجا جورِ خاریله گُللر آغلار
.
.
بو آی خزان اولوبدور دشت بلاده بیر گُل
آغلار گُله باخاندا صحن چمنده بلبل
گُل یوزلی اکبر ئولدی، نه گُل داخی نه سنبل
شبنمدی اشگ بلبل گلشن سراسر آغلار
.
.
بو آیدا یاسه باتدی افلاک و مهر و ماهی
دشت عراقی ایتدی منزل حجاز شاهی
جور مخالفیله گیتدی جلال و جاهی
تا وار جهان، بو آیدا گویده مَلَکلَر آغلار
.
.
قاسم بویاندی قانه، عونیله جعفر ئولدی
آئینۀ پیمبر شهزاده اکبر ئولدی
لیلانی ایتدی مجنون اُول ماه منظر ئولدی
وار ایمدیده گمانیم لیلانی مضطر آغلار
.
.
شیر خدایه وارث عبّاس سرو قامت
بو آی بلا چولینده گوستردی بیر شجاعت
گورمز اونون نظیرین بیر کیمسه تا قیامت
صد حیف الی کسیلدی، بو غمده حیدر آغلار
.
.
بیر قانلی پرچمیله بیر اوخلانان سو مشگی
بیر خدمت ایتدی دینه ادیانین اولدی رشگی
قانیله قاتدی سقّا آغلار گوزیله اشگی
امّ البنین اوغول وای جنّتده سسلر آغلار
.
.
بیر سودامر بو آیدا قالدی ز بسکه عطشان
پستان یرینه اَمدی ظلمیله نوک پیکان
عرض ایلسم سزادور آغلار گوریله هر آن
لایلای دیَر بالایه بیچاره مادر آغلار
.
.
بیر عدّه دینه یاغی آدین قویان مسلمان
دشت بلاده ائتدی جور و جفاده طغیان
قرآن ناطق اوغلین ئولدوردولر لب عطشان
قرآنیان حسین وای دللرده ازبر آغلار
.
.
بو سهلدور که اعدا باغلوب ره فراتی
یاندوردی اهل کوفه خرگاه طاهراتی
قالدی یانار اود ایچره پیغمبرین بناتی
بو ظلمی یاد ایدنده زهرای اطهر آغلار
.
.
عصرین امامی گلموب تا آلمیوب بو قانی
بو محنت آغلادور قان سُکّان آسمانی
بسدور دایان #حسینی قورتار بو ماجرانی
خامه یانار سیزیلدار یازدوقجا دفتر آغلار
.
.
#ماه_محرم_اولدی_عالم_سراسر_آغلار
#آثارالحسینی2 صفحه 26
#ترکی
.
#زبدةالاشعار
.
: @nohe_torki