محبت عالمی بزم ولانین عاشقی ام #محمد_هوشمند

آرزوی کربلا
.
زبدة الاشعار

?: @nohe_torki
.
محمد هوشنمد
.
محبت عالمی بزم ولانین عاشقی ام
وصال یاره گوره هر بلانین عاشقی ام
.
هوای وصل هوادن چکیب کناره منی
نسیم یاریله حال و هوانین عاشقی ام
.
جنون عشق آلیب صبر و تابیمی الدن
بو یولدا باشه گلن ماجرانین عاشقی ام
.
عنائت اولماسا بیر کیمسه وصله یول تاپماز
گلیب اومیدله لطف و عطا نین عاشقی ام
.
بو آستانیده آب حیات آختاریرام
فنا یوروب منی دار بقانین عاشقی ام
.
یالانچی عشقیلره من وورولمارام اصلا
جهاندا عترت خیرالورانین عاشقی ام
.
خطور ائدن ده منیم ذهنمیه حدیث بکا
خلوص قلبیله بزم عزانین عاشقی ام
.
آقام حسینین آدی روحیمه صفا گتیره ر
نقدری وار نفسیم کربلانین عاشقی ام
.
او پاک تربتی درماندی جمله امراضه
بصیرت آلمآقا خاک شفانین عاشقی ام
.
جانیم فدا اولا شهزادگان تشنه لبه
شبیه جدی اولان دلربانین عاشقی ام
.
بیلن شهادتی بالدان شیرین مرام اوسته
حسن نشانه سی اول باوفانین عاشقی ام
.
سو ایچمی ین لب علقمده تشنه سرداری
امیر لشکر او قولسوز فدانین عاشقی ام
.
ربابه سویگلی دنیانی آغلادان غمینه
علی اصغر مشکل گشانین عاشقی ام
.
نماز ظهری قیلان اوخلارین هجومینده
ائله غریب قالان مقتدانین عاشقی ام
.
گون اورتا چاغی چیخیب تئز باتان جفالاریلا
مدار عشقیده شمس الضحانین عاشقی ام
.
او چولده قانه باتان باوفا مجاهدلر
کتاب عشقیده هر آشنانین عاشقی ام
.
یازاندا شعری دئیر حسرتیله هر بندیم
شکسته نی کیمی داییم نوانین عاشقی ام
.
نصیبیم اولسا اگر قتلگاهیده دئیره م
چاتام سعادته منده منانین عاشقی ام
.
بیر عمریدی منی #مدهوش ائدیب بهشت عطری
خدا نصیب ائله من کربلانین عاشقی ام
.
#آرزوی_کربلا
#محبت_عالمی_بزم_ولانین_عاشقی_ام
#مدهوش_تبریزی
#ترکی
.
#زبدةالاشعار

?: @nohe_torki