راه شام
✍️ زبدة الاشعار ✍️
?: @nohe_torki
مرحوم حاج بیوک اعظمی تبریزی
دوشنده ناقه دن هر ماه پاره یولّاردا
وُروبلا قمچی گلوب آه و زاره یولّاردا
اگر چه چیخمیشیدی سیره بیر فلک اولدوز
یتنجه شامه آخوب چوخ ستاره یولّاردا
دوشوبدی بیر سوری گویا چوله غزال حرم
وُروبلا قلب جهانه شراره یولّاردا
جفا و ظلمدن اول گل کیمی سولان قیزلار
اولوبلا گلشن دینه هزاره یولّاردا
او یوزلری که ایدوب گون حیا او یوزلردن
باتوبلا توپراقا گرد و غباره یولّاردا
اوغول باشی ورولوبدور آنا مقابلینه
آنا باخوب توکوب اشگین عذاره یولّاردا
باجی گورنده مقابلده قارداشین باشنی
گلردی حسرتیله آه و زاره یولّاردا
سکینه ایستدی اکبر باشین آلا گوردی
گرکدی عجز ایلیه نیزه داره یولّاردا
ولیک بولدی آلانماز او باشی حسرتیله
جدایه ناقه دن ایتدی نظاره یولّاردا
دیمم نه چکدیله امّا بو قدری عرض ایدرم
دوشوبدی آل علی چوخ فشاره یولّاردا
یتنده هر قیزا محنت دولاردی ابر کیمی
یوزین دوتاردی شه تاجداره یولّاردا
دیردی گور بابا سنسیز نجه بو غمزده نون
دونوب ایشیق گونوزی لیل تاره یولّاردا
او گل که عزّت و نازه جهاندا عادت ایده
نجه دوزر دایانار جور خاره یولّاردا
یاناردی هر بالا تاپمازدی دردینه چاره
دیردی دردینی پروردگاره یولّاردا
دوشور خیالیمه امّا بو یرده بیر محنت
او محنت ایلدی چوخ قلبی یاره یولّاردا
اسیرلردن اُلوب یولدا نچّه نازلی بالا
قویوبدی بس اولاری کیم مزاره یولّاردا
نصیب اولسا سنه « اعظمی » خرابۀ شام
رقیّه غملرین ایله شماره یولّاردا
#راه_شام
#دوشنده_ناقه_دن_هر_ماه_پاره_یولاردا
#اعظمی_تبریزی
#ترکی
✍️ #زبدةالاشعار ✍️
?: @nohe_torki
نظر دهید