در شهادت حضرت امیر المؤمنین علیه السلام
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی
( بیش از 10 سبک شامل سبک های اود یاپوشدی سینه مه … قان یاغدی کربلاده … از ما خطا یا الله …. نبسته ام به کس دل … و … ) #سبک_ای_اکبرین_مارالی … (با واگیر مناسب)
.
موسی جوانی تبریزی
.
محرابده بویاندی
قانه وصی طاها
سسلندی عرشین اهلی
قُتِلَ العلیّ اعلا
.
ارض وسمانی گتدی مولا غمی نوایه
تیره تراب اولوبدی مدفن اومقتدایه
پیرایه اولدی تپراق سیمایِ مرتضایه
یتدی وصال حقه سلطان اهل تقوا
.
یرمی بش ایل ملالین شرح ائتمیوبدی غیره
غصب اولدی حقی دوزدی اندوه و ظلم و جبره
اولدوردولرعیالین باخ مرتضاده صبره
تاب ائتدی دردورنجه داماد میربطحا
.
آماج ائدوبله تیر جور و جفایه شاهی
اوج ایلدی سپهره شیرخدانون آهی
معبوده عرض ائدوبدور محرابیده الهی
سن ایستدون شهادت اولدی منه محیا
.
قهریله ابن ملجم یاندردی کائناتی
مسجده باشه یتدی آخر علی حیاتی
شق القمراولوبدی غم دوتدی امهاتی
جنتده بو محنده گلدی نوایه زهرا
.
آخدی عذاره قانی ایسلاندی خط وآلین
یومدی گوزون اولونجه هئچ بولمیوبله حالین
دلده آپاردی قبره داغلاربویی مقالین
هجران غمینده قالدی نالان بنات مولا
.
بومحنت عظیمه عرش اهلی آغلیاردی
باغرین علی غمینده احبابی داغلیاردی
باش یاره سین طبیبی اشگیله باغلیاردی
فریاده گلدی نعمان بیربیله غمده گویا
.
قاره گیوب علینون هجرینده اهل ایمان
افغان ائدوبله یکسرخردوکلان مریدان
تپراق سووردی باشه بیکس قالان یتیمان
یاندیردی شیعیانی اندوه ودرد عظما
.
اولادمرتضانی اولدی قلوبی یاره
اولموشدولارنواخوان گلشنده چون هزار
گوزیاشلاری آخاردی گل تک سولان عذاره
اولدی بساط محنت واویلتا هویدا
.
بوغمده مجتبانون گوزیاشی دوندی قانه
بیریانداکربلانون شاهی گلوب فغانه
ام البنینون اوغلی آغلاردی یانه یانه
ظلمت سالوبدی سایه گون اولدی لیل یلدا
.
رخساره اشگ چشمون زینب خانم الردی
قلبین آتاغمینده هجران اوخی دلردی
آغلاردی ماتمینده آهو کیمی ملردی
سسلردی یاندیم الله دخت بتول عذرا
.
ایام جشن وشادی یوم ولادتوندور
لیکن منیم دیلیمده ذکرشهادتوندور
هرنه حواله اولسا بذل عنایتوندور
یازماز جوانی مولا دفترده حرف بیجا
.
#حیدریه_شهادت
#محرابده_بویاندی_قانه_وصی_طاها
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید