زبانحال حضرت امام کاظم علیه السلام
.
#سبک_ای_باد_صبا … 7 سبک
.
مرحوم شهاب
.
.
مدّتدی یریم گوشه ی زنداندی الهی
بو یر منه بیر روضه ی رضواندی الهی
.
.
بو محنت غربت، بو مصیبت، بو ملالم
بو کنده، بو زنجیر، بو محبس، بو عوالم
چوخ خوشدی منیم ای هامی احوالیمه عالم
ایتسم گِله اوز عشقیمه نقصاندور الهی
.
.
ویرمز بو بلالر منیم احوالیمه تغییر
معشوق بلاسی ایلمز عاشقی دلگیر
بیر طوق ارادتدی بو بوینومداکی زنجیر
هر حلقه سی بیر لعل بدخشاندور الهی
.
.
سندن اوزوم ایستردیم ایا قادر بیچون
بیر گوشه ی خلوت اولا بیر خاطر محزون
ایتدون من محزونی بو دلخواهیله ممنون
اوز ایستدیقوم یردی بو چوخداندور الهی
.
.
معشوقیله چوخ راز و نیاز ایتماقا عاشق
فارغ دلیله گوشه کناره اولی شایق
منده هامودان ایلموشم قطع علایق
بو مرحله عشق اهلینه آساندور الهی
.
.
دائم واریدیم وصلیوه محتاج وسیله
دونموشدی گوزوم یاشی همین فکریله سیله
مقصودیمی گتدی اله هارون اوز الیله
گور کوکب بختیم نجه رخشاندور الهی
.
.
ایمدی نه قدر واردی بو زندانیده فرصت
باش سجده ی طاعتده قویوب قیلّام عبادن
بو گوشیه سال بیر نظر لطف و عنایت
عبدون بولوسن طالب احساندور الهی
.
.
نه مایل اولاد و نه پابند عیالم
نه راغب جاهم و نه جویای جلالم
عمده نظریم سنده دی مشتاق وصالم
قلبیمده اولان بیر غم هجراندور الهی
.
.
چون رسمیدی محبوبی حبیبی ایده ارشاد
شکرانه سینه جان ویره اولماز اونا ایراد
وصلون ایلدی خاطر ناشادیمی چوخ شاد
قلبیم دیمورم لاله کیمی قاندور الهی
.
.
قانه بویانان جدّیم ایدر جلوه نظرده
قانیله دولان قلبیم علاوه گلی درده
جدّیم کیمی تسلیم ایدرم جان قوری یرده
بو مسئله چون رسم غریباندور الهی
.
.
هیچ کیمسه خدا اولمادی جدّیم کیمی مظلوم
باشدا یارا، دل زهرلی پیکانیله مسموم
جان ویردی جگر تشنه، اورک غصّه لی، مغموم
سو ویرمدیلر بولدوله عطشاندور الهی
.
.
دریا کیمی موج ایتدی فراتین سویی آخدی
یاندوردی عطش قلب شریفین اودی یاخدی
قانیله دولان گوزلری هردم سویا باخدی
گوزلر بو غمه ایمدیده گریاندور الهی
.
.
یارب به حق حجّت هفتم ایله بیر جود
الطاف کریمانه وه محتاجدی محمود
حضّاره شهابه اونا دنیاده کی مقصود
بیر کرب و بلا بیرده خراساندور الهی
.
.
.
.
.
#کاظمیه_شهادت
#مدتدی_یریم_گوشه_زنداندی_الهی
#شهاب_تبریزی
#ترکی
.
.
متن های پیشنهادی برای شما
ائشیت ای دشمن نادان من علی نوکریم #حیدریه_ذاکر_زنجانی
من علی نوکریم … . . جعفری (ذاکر زنجانی) . . ائشیت ای دشمن نادان من علی نوکریم ائتمشم عالمه اعلان من علی نوکریم . . . منه صود وردی آنام حامی غیرت ائلدی آنامین شیری منه کسب فضیلت ائلدی گیدیریب قاره منیم اگنیمه زینتبیشتر
آچ گؤزون ابالفضل تپراق اوسته یاتما #عباسیه_معروف_اهری
شهادت حضرت ابوالفضل (ع) . 
#زبدةالاشعار . 
: @nohe_torki . #سبک_نوایی_نوایی . معروف اهری . آچ گؤزون ابالفضل تپراق اوسته یاتما اوغولسوز حسینی بو قدر آغلاتما ای منیم با وفا قارداشیم ابالفضل اویان ای غم گونی یولداشیمبیشتر
آچدی گوز نورهدایت #سجادیه_عدلی_تبریزی
میلاد حضرت امام زین العابدبن (ع) . #زبدةالاشعار . : @nohe_torki . حاج اصغر فرشچی (عدلی تبریزی) . #سبک_کوفه_را_ماتم_گرفته . آچدی گوز نورهدایت شاه دین شمس هدایت یثربی ایلوبدی جنت . فخر ساجد حسینون بالاسی گوز آچوببیشتر
منیم عالمده سلطانیم علی دیر #حیدریه
در مدح حضرت علی علیه السلام . زبدة الاشعار ?: @nohe_torki . سید ابوالقاسم نباتی . منیم عالمده سلطانیم علی دیر منیم میر جهانبانیم علی دیر . نه دارا تانیرام من، نه سکندر منیم فغفور و خاقانیم علی دیر . بهشتی زاهیدهبیشتر
اولدوزدی چرخ عصمته همواره فاطمه #فاطمیه_رهبری_تبریزی
در جلالت حضرت فاطمه علیها سلام . #زبدةالاشعار . : @nohe_torki . . مرحوم حاج محمود رهبری تبریزی . . اولدوزدی چرخ عصمته همواره فاطمه اسطوره دی محبّت و ایثاره فاطمه . . دین اوسته گوزدن آتدی هامی جاه وعزّتی دوزدیبیشتر
باجی جان او یئردی بو یئر یقین اولاجاقدی مروه صفا منه #ورود_کربلا_اکبر_قنبری
زبانحال امام حسین (ع) به خواهرش زینب کبراء( س)هنگام ورود به سر زمین کربلای معلا . #زبدةالاشعار . : @nohe_torki . اکبر قنبری تیکمه داش . باجی جان او یئردی بو یئر یقین اولاجاقدی مروه صفا منه من حسینم عشق خلیلیمبیشتر
نظر دهید