مدینه نین گوزلی مفخر زمن گلدی #حسنیه_رسول_بابایی

ولادت امام حسن مجتبی (ع)
..
..
..
..
رسول بابایی (شاهد زنجانی)
..
..
..
..
مدینه نین گوزلی مفخر زمن گلدی
عزیز شاه ولا نور پنج تن گلدی
اولاندا نیمه ماه مبارک رمضان
امام عالمیان حضرت حسن گلدی
..
..
..
..
آپار بوآیدا عزیزیم ثوابیلن حسنات
یاغوبدی بسکه سمادن یره بوآی برکات
بقیع چولونده یاتان ماه دلربانی چاغور
آتاسی حیدره تبریک اولا دینن #صلوات
..
..
..
..
مدینه ده آقامون گرچه یوخدی مهمانی
دی تهنیت بیله شادایله قلب زهرانی
فدا اولوم اوشهون عزت و جلالتینه
دیریلتدی صلحی اونون عترتیله قرآنی
..
..
..
..
حسن حسن چاغوران دیللره سوزوم قربان
باخاندا پرچمینه سویلرم گوزوم قربان
جهانی ایلدی روشن جمال حسن حسن
پیمبرین نوه سی دلبره ئوزوم قربان
..
..
..
..
آچیلدی باب کرم چونکه مجتبا گلدی
ضیا تاپوب بوجهان نور کبریا گلدی
ئورکده واردی اگر دردو غصه وکدرون
علی تک ایلماقا دردلره دوا گلدی
..
..
..
..
حسن عزیز خدا عشق مرتضا گلدی
سئویوندی اهل ولا گوزلره ضیا گلدی
بو شیعه لر باشینا تاجیدی گل زهرا
شکوه بزم ادب شبه مصطفا گلدی
..
..
..
..
یازاندا نام حسن شاهد آغلادی الله
توکوبدی گوزیاشینی سینه داغلادی الله
ولادتین گئجه سی یازمادی مصیباتین
یارالی اوخشاماسین دیلده ساخلادی الله
..
..
..
..
#حسنیه_میلادیه #حسنیه_صلوات
#مدینه_نین_گوزلی_مفخر_زمن_گلدی
#ترکی #زبدةالاشعار