تسلی دادن حضرت امام حسن به حضرت ابوالفضل در شهادت حضرت علی علیهم السلام
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم تائب تبریزی
.
مرتضی هجرینده صبر ائت با شهامت قارداشیم
ای حسینین سر سپاهی شیر صولت قارداشیم
.
.
گرچه باجادور گلوب داده دوتاق دائم عزا
آخرین ساعت ولی ایلوب وصیت مرتضا
صبر ائداق اوندان صورا بیز ائتمیاق داد و نوا
ایلیاق لازیمدی بو امره اطاعت قارداشیم
.
.
ای آتام حیدر باخشلی بیله پوزما حالیوی
توکمه گوزدن گل یوزه چون ژاله اشک آلیوی
خاطریم درده گلور گوردوقجا بو احوالیوی
آرتوری بو داغلانان سینمده حسرت قارداشیم
.
.
ایلیوب خورشید دین برج شهادتده مقام
دودمان مصطفایه چوکدی بیر ابر ظلام
استراحت آل طاهایه داخی اولدی حرام
تاپماروق بیرده بلایادن فراغت قارداشیم
.
.
گورسنور بو ماجرادن زار و مغموم اولماقیم
حقّیم الدن گئتماقی ظلمیله مظلوم اولماقیم
طعن دشمن گورماقیم مظلوم و مسموم اولماقیم
اقتضا ایلوب بو اوضاعی مشیت قارداشیم
.
.
آخر عمرینده سیلردی مرتضی گوز یاشیوی
بیر وصیتله اوجالداردی وفالی باشیوی
بیر بیریزه تاپشوروب سنله حسین قارداشیوی
بیر بیریزدن ایتمیون بیر لحظه غفلت قارداشیم
.
.
وئر رضا قارداش قضایا امرینین اجراسینه
غیظه گلمه غوطه ور اولما غضب دریاسینه
قوت بازووی ساخلا کربلا صحراسینه
ویر او صحراده نشان سهم و صلابت قارداشیم
.
.
انقلاب ایلر اویرده اشقیای دین تباه
بوحسین اشرارکین ایچره قالاربی داد خواه
ایله بیرموقعده سنسن بوحسینه سرسپاه
ایت حسین قارداشوا اورداحمایت قارداشیم
.
.
سو یولون باغلار او یرده ظلمیله اهل ستیز
اودلانار سوز عطشدن عترت شاه حجیز
چگنیوه سال بیر سو مشکی آل اله شمشیر تیز
تشنه لب اطفاله قیل فکر سقایت قارداشیم
.
.
گر فرات آلسان او گون رسم وفادن گئچمه سن
یان سوسوزدان نفسیوی نفس حسیندن سئچمه سن
نهریدن چیخ تشنه ئولدور نفسیوی سو ایچمه سن
قیل مواسات ایله بیر کسب شرافت قارداشیم
.
.
مرکب اوستونده او گون محکم ایله زانووی سن
هر طرفدن گلسه اوخ خم ایلمه ابرووی سن
ویر نشان اشرار کینه قوت بازووی سن
جنگ ایله ای شیر آجامِ شجاعت قارداشیم
.
.
ای آتام حیدر نشانی پوزما اوز افکاریوی
چک آتام حیدر کیمی شمشیر آتشباریوی
وور داغیت اعدانی گوستر دشمنه کرداریوی
ایله اهل کینه دن سلب جسارت قارداشیم
.
.
حمله ایلر هر طرفدن استیوه فوم شقی
الده تا وار قدرتون قویما یخلسین بیدقی
چون همین بیدقدی قارداشیم حسینین رونقی
یاتسا بیرق یوز ویرر اطفاله وحشت قارداشیم
.
.
« #تائبه» دائم اولوبدور خامۀ غم همزبان
صرف ایدر عمرین یازار نوحه بیزه هر دم هر آن
ایستروق حقدن اونا لطف ایلسون طبع روان
آل پیغمبر غمین ائتسون کتابت قارداشیم
.
.
#حیدریه_شهادت
#مرتضی_هجرینده_صبر_ائت_با_شهامت_قارداشیم
#ترکی
.
✍️ #زبدةالاشعار ✍️
.
🆔:@nohe_torki
نظر دهید