مرحبا حق اوسته قانه غرق اولان پیکرلره – #حسینیه_عینی_فرد

فلسفۀ قیام امام حسین(ع)
در فقدان استاد #انور_اردبیلی
#گریز به #تنور_خولی
.
زبدة الاشعار

?: @nohe_torki
.
حاج غلامرضا عینی فرد زنجانی
.
مرحبا حق اوسته قانه غرق اولان پیکرلره
دار عشق ایچره سرِ داره اوجالمیش سرلره
.
کهنه لور دنیا حسینون نهضتی کهنلمیور
اولدی الگو انقلابی شیردل رهبرلره
.
دیدۀ دنیا حسین انصارینه تای تاپمادی
توکدولر حق اوسته باهم قانلارین سنگرلره
.
گاندی آزاد ائتدی هندوستانی استعماریدن(۱)
درس آلوب مظلوم حسیندن قالب اولدی شرلره
.
رهبر آزادگاندور نور عین فاطمه
قان اولار پیروز ثابت ایلدی خنجرلره
.
شرقیله غرب ایچره مظلوملار حسینی سسلنور
احسن احسن ظالمی رسوا ائدن خنجرلره
.
کربلا طوفانینی اهل قلمدور ساخلیوب
اولماسا اهل قلم کیملر چیخار منبرلره
.
بیرده شاعرلردی ترویج ایلیوب بو نهضتی
شاعرین شعری سالار اود خرمن کافرلره
.
بزله گو شاعرلری گرچه قوجاقلور چوخلاری
اوز وئروب دنیای دون اَزّلده دون پرورلره
.
شاعر آل علینی بیلموری شاعر بولار
باخموری اون جلد تألیف ایلین«انور»لره(۲)
.
بیتینه بیر بیت سویلوب واردی(من قال لنا)
ناز ائدر شاعر اودور که باقر و جعفرلره
.
ای علی مداحی قوی بیگانه لر گولسون سیزه
کیم سیزه تیر محن آتدی دگوب حیدرلره
.
حُرمَةُ الخادم بویوردی حرمة المخدوم اولار
صاحبون مولا علیدور گل قوشول قنبرلره
.
خلقی بوشلا دوت نظرده سن رضای خالقی
دالدالانما دهریده سن سایۀ دیگرلره
.
بو حسین کیمدور آدی گلجاق ئورکلر تیتریور
صاحب اولموش پاک انسانلاردا چشم ترلره
.
بو حسین کیمدور بویوردی لحمک لحمی رسول
قانی الله قانیدور سَرور اولوب سرورلره
.
روز عاشورا سالوب زرباف پرده گون یره
کورۀ داغینده ذرّاتین سپوب معبرلره
.
گون چیخوب باتدی او صحراده ولی توز باتمادی
بسکه آتلار چاپدی میدان اوخشادی مجمرلره
.
دیل دوداقین یاندی کیپریکلر یاپیشدی بیربیره
ایستی یل اسدی یاخوب توز صورت اصفرلره
.
لشکرون یوخ مشکلی آب فرات اوستونده دور
باخ حسینون خیمه سینده گلشنی پرپرلره
.
نچه ساعتدن خیامه بیر جنازه حمل اولور
گورنه حالت اوز وئروب اوغلی ئولن مادرلره
.
ئوزلرین نعش شهیدانه آتاندا محرمی
لخته لخته قان یاخیلدی توز دوتان معجرلره
.
ایچماقا بیر قطره سو یوخ اوز گوزون هاردا یوسون؟
اولسا سو اول وئره للر خیمه ده اصغرلره
.
کوکب عیّوقه چاتدی العطش صوتی ولی
چاتمادی نچه قدمده گوش بازیگرلره
.
بیربه بیر گئتدی اوگون انصار قانه باتدیلار
سینه سینده یر وئروب یر ، یاره لی پیکرلره
.
عالم معنا بولار انّا فتحنا سسلنوب
ما و من یوخ وحدتون حظّون دادان افسرلره
.
وحدتون معناسینی دنیایه اعلام ائتماقا
یاتدیلار بیر قبریده باخ وحدت مقبرلره
.
ایلدی عشق حسینی اولّاری خانه بدوش
ائتمیوبلر اعتنا اولاده نه همسرلره
.
قورتاروب جنگ و جدل یاندی کول اولدی خیمه لر
لشکر آسوده یاتوب باش قویدولار بسترلره
.
یازمارام غارت سوزون تیترور یازاندا اللریم
غارتی مهدی گلر تشریح ائدر مضطرلره
.
لنگر کونین باشسیز مقتله لنگر سالوب
باشینی خولی آپاردی عشق سیم و زرلره
.
آی چیخوب گوردی گون اما کوفه ده الده گزور
آز قالوب رخنه دوشه اَنجم گزن محورلره
.
خولی یر وئرجاق تنور ایچره او باشه قورخودان
حوریلر باش آشدی اَندی کوفه ده معبرلره
.
آلدیلار مطبخ سرانون دوره سین اهل جنان
فاطمه نوحه دیوبدی مریم و هاجرلره
.
بیر الین گتدی چیخارتدی قانلی باشی فاطمه
قویما باش سویلوب اوغول بو اودلی خاکسترلره
.
کیم سنی سالدی بوحاله سویلدی مظلوم بالا
نه گلوب عباس و عون و قاسم و اکبرلره
.
.
یاتما نازیله بو ایستی کوللر اوسته سویگلوم
گل سخل یات سینم اوسته ای یارالی بلبلوم
.
.
لعن اولا سن تک امامی ئولدورن قاتللره(۳)
لعن اولا هر عصریده هابل یخان قابل لره
.
قتلگاهیندن یولوم دوشدی بیر آز بوندان قاباق
لرزه دوشدی پیکریمده رعبدن مفصل لره
.
دامن صحراده سایسیز جسملر باشسیز دوشوب
حرب آلاتی توکولموش پیکر راحل لره
.
سانجیلوب ازبسکه اوخ ، نیزه یره پیکرلره
سطح میدان بنذیوردی دشتیده سنبل لره
.
خیمه گاهوندن سنون آثار قویموبلار قالا
یاندیروب خرگاهیوی لشکر وئروبدور یللره
.
تاپدی بیر نصفی یانان خیمه او محنت کش باجون
اوردا یر وئردی قانادی یاره لی بلبل لره
.
بیر بئله احوالیلن زینب نماز شب قیلوب
ایلوری بیربیر دعا حقّه اولان واصل لره
.
غارت احوالی رسا قدّین اونون گوردوم بوکوب
چوخ یورولموشدی ز بس قاشمیشدی چولدن چوللره
.
تا نمازین ختم ائدوب گوردوم سنی اوخشور حسین
هر حسینیم وای دیینده اود ووروردی دِللره
.
خرداجا قیزلار اوزوندن هی ئوپور هی جان دیور
بسکه وحشت حاکم اولموشدی پریشان دللره
.
عصر عاشورا حسینجان زینبی چوخ ویردیلار
ضرب و جَرحه دوزدی، معجر وئرمدی قاتللره
.
زینبی ترک ایلدوم تاپدوم چوخور یرده سنی
ساربان گوردوم تاپوب ال باسخاوت اللره
.
تپراق اوسته خردا بارماقون گورنده بیلمیشم
چاتدی انگشتر جدلده سویگلوم بجدل لره
.
تاپماقا باشون حسینجان مقتلی ترک ایلدیم
گلمیشم سندن اؤتور من منزل جاهل لره
.
سن هارا ،مطبخ هارا ،زهرا هارا ،خولی هارا
خانۀ صبریم دچار اولدی بلالی سیل لره
.
سبز مخمل ایچره قرآنه وئرللر یر اوغول
تاپموسان هاردان علاقه قرمزی مخمل لره
.
قرمزی مخمل ائدوب خاکستری باشون قانی
گور روادی بیله بستر سرور فاضل لره
.
وای بو باشدی، دستمالین زینت عرش ائتدی حق
یاخشی گورمور یا گوزوم دوشدوم عجب مشکل لره
.
وای بو باشدی نازیلن من بسلمیشدوم سینه ده
سویگلوم من گوردوقوم گولسن باتوبسان کول لره
.
وای بو باشدی،تار زلفین شانه قویمازدیم یونا
نظمینی خنجر پوزوب نیزه وئروبدی یل لره
.
وای بو باشدی راضی اولمازدیم حریر اوسته یاتا
یر وئروردیم سینم اوستونده سمن سا تل لره
.
کوسموسن اوغلوم و یا زینب کیمی چوخ خسته سن
بیر دانیش منلن آنان قربانی شیرین دیل لره
.
اولما آغزیندان وروبلار اوخ آچیلمور لبلرون(۴)
خارلر خوار اولسون اوغلوم نیش ویرسا گل لره
.
کسمه«عینی فردیدن» جود و کراماتون بالا
لطف و احسانون سنون ثابت اولوب سائل لره
.

(۱)رهبر آزادی خواه هندوستان،نجات دهندۀ کشورش از استعمار انگلیس که خودش در مصاحبه گفت من با تبعیّت از قیام حسین(ع) شیعیان موفق شدم.
(۲)انور، شاعر شهیر اردبیلی
(۳)پسران آدم که قابیل،هابیل را کشت.
(۴)سند قومی در مقاتل معتبر/ در آخرین ساعات عاشورا امام وارد فرات شد ولی آب ننوشید!ناگهان تیری از سوی دشمن بر دهان امام اصابت کرد.

.
#حسینیه_مدح
#مرحبا_حق_اوسته_قانه_غرق_اولان_پیکرلره
#عینی_فرد
#ترکی
.
#زبدةالاشعار

?: @nohe_torki