یا مهدی
.
.
.
فانی تبریزی
.
مریض درد عشقم هجردن باغریم اگر قاندور
آلوب میگون لبون رنگین علاجی وصل جاناندور
.
خط و خالون گورن گوندن ویریلدیم حسنوه دلدن
نچون مه عارضون گوردوم جمال حقّه برهاندور
.
جمالوندن عیان والشّمس اولور والّیل زلفوندن
باخان سویلر تعالی الله بو رخ آیات قرآندور
.
قاشون محراب طاعت تک هلالی قامتون طوبی
یوزون بزم محبّتده دلا مشکوة عرفاندور
.
گوزون دورون دوتوب یوخ ذرّه باکیم جور دشمندن
حمایت ایلین شهلا گوزوندن فوج مژگاندور
.
خیال ایتدوقجه هر دم وعدۀ وصلون گوزوم یاشین
الرکن سویلرم دلدن، سنه قربان دل و جاندور
.
نظر قیل چشم مستیله بو درویش پریشانه
داغیلسون تا اورک داغی گوروسن دیده گریاندور
.
یورولدوم درد و محنتدن، بو فرقتدن مصیبتدن
مریضم گل علاج ایله وصالون درده درماندور
.
ائدیبدور آیریلوق داغی غم و محنت گرفتاری
امیدیم یوخ اورک گولسون نچون که قانه غلطاندور
.
غریب لیق تشنه لیق هم آیریلوق داغی نجه گویلوم
آچیلسون غصّه دن غمدن بوشالسون دور هجراندور
.
ازل گوندن سنی ساقی یازیبدور خامۀ قدرت
گتور پیمانه ور می دن عنایت ایله احساندور
.
کرم قیل ساقیا آدینه دور بیر باخ آنان جانی
گورورسن حال «فانی» تک نجه حالیم پریشاندور
.
#مهدیه
#مریض_درد_عشقم_هجردن_باغریم_اگر_قاندور
#فانی_تبریزی
#ترکی
.
.
#زبدةالاشعار 
: @nohe_torki . مژده اردبیلی . من امّ بنینم غم عالَم منیم اولدی قالدیم قره بیرگونلره ماتم منیم اولدی . زهرا ائوینه فخر و مباهاتیله گلدیم حقّون کرم و لطفی دمادم منیم اولدی بیشتر
نظر دهید