در مدح و شهادت حضرت امام صادق علیه السلام
.
✍️ زبدة الاشعار ✍️
?: @nohe_torki
.
حاج نادر بابایی
.
شاه اقلیم صداقت،علم و حکمت معدنی
صادق آل محمد باب عرفاندا غنی
.
شیعه ی اثنی عشر مدیونیدور اول حضرته
مذهبین قویدی بناسین گوستروب یول امته
.
شهر علمی صادق زهرا آچوب مین بابیلن
اولدی دانشگاه اونون هر بابی مین احبابیلن
.
محضر علمینده لقمانلار اونا حیران اولار
واردی چوخ شاگردی که هر تک تکی لقمان اولار
.
چون بن العباس ائدوب آل امیه یلن ستیز
فرصت اولدی حضرته تا باشلیا بیر رستخیز
.
مکتب صادق عوام الناسی بیدار ایله دی
حقیلن باطل تانیندی خلقی هشیار ایله دی
.
مستبدلر گوردولر باغلاندی استبداد الی
گوئیا عدل و عدالت بابینی آچمیش علی
.
صاحب تخت خلافت اولدی چون منصور دون
بیلدی که احباب حضرت تختینی ایلر نگون
.
باشلادی ئوز ظلمینی منصور امام صادقه
اول مقدس درگهی مسدود ائدوب هرعاشقه
.
ئوز ائوی اول حضرته یثربده بیر زندان اولوب
شهریده اعوان و انصاری اونون پنهان اولوب
.
دولدوروب ظالم نجه گور ظلمیلن پیمانه سین
بیر گجه چکدی اودا اول حضرتین کاشانه سین
.
آغلاشان اطفالی حضرت صبره دعوت ایله دی
جمع قیلدی باشینه رافتله صحبت ایله دی
.
قورخودان تیتریردیلر صبروقرار الدن گئدوب
اهل بیتین گورنجه اول مقتدا آرام ائدوب
.
نقل ائدور بو مطلبی احباب حضرتدن بیری
صبحیدی گئتدیم گورم کیم ئولدی کیم قالدی دیری
.
شکرلله گوردوم هئچ کیم گورمیوب آسیب جان
رو به قبله اگلشوب حضرت ولیکن باغری قان
.
عرض قیلدیم جان فدا اولسون آقا گوز یاشووه
حمد اولا حقه که اهل بیتی یغدون باشووه
.
ائتدی فرمایش اودم من صابرم هر محنته
گوز یاشیم جاری اولور گوزدن بیر آیری علته
.
من واریدیم اهلبیتیم اوتدا قویمازدیم یانا
گوردوم اما خورداجا قزلار قاچوردی هریانا
.
یادیمه دوشدی او اثنا جدیمون بیرنسگیلی
خیمه لر یاندی باباوای سسله دی شیرین دیلی
.
خورداجا قزلار ایاق یالین قاچوبلار بی امان
کیم یخیلسیدی یوخیدی کیمسه یردن قالخیزان
.
آغلارام آواره چوللرده قاچانلار حالینه
مقتلیله خیمه ده یورقون بی بیم احوالینه
.
(نادرا) شهر مدینه اولدی گللر مدفنی
ایسته حضرتدن که زائر ایلسون بیرده سنی
.
#صادقیه_مدح
#صادقیه_شهادت
#شاه_اقلیم_صداقت_علم_و_حکمت_معدنی
#نادربابایی
#ترکی
.
✍️ #زبدةالاشعار ✍️
?: @nohe_torki
نظر دهید