مستان کوی عشقه سلطان فقط حسیندی #حسینیه_حضرتی_ناعمی

فقط حسین
..
..
..
..
حضرتی (ناعمی)
..
..
..
..
مستان کوی عشقه سلطان فقط حسیندی
عاشقاره جهاندا جانان فقط حسیندی
جانم حسین حسین جان
..
..
..
..
سرّ صفانی هر کیم صادق دگول بیلنمز
قلبینده شور عشقه شایق دگول بیلنمز
وار بعضی سوز کی هر کیم عاشق دگول بیلنمز
دنیاده درد عشقه درمان فقط حسیندی
..
..
..
..
گنجینۀ ولانی یغمایه وئرمروک بیز
تجّار عشقوک الدن سرمایه وئرمروک بیز
ذکر حسینی کل دنیایه وئرمروک بیز
سرگشتگان رازه رضوان فقط حسیندی
..
..
..
..
مستوک حسین جامیندان مستانه لر سیاقی
باشدان ایاقه یاننوق پروانه لر سیاقی
هی سسلروک حسین جان دیوانه لر سیاقی
دیوانگان عشقه دیوان فقط حسیندی
..
..
..
..
دنیا بهشته دونسه بیله صفاسی اولماز
عاشقلرین باشیندا جنّت هواسی اولماز
هئچ یئر بیزه حسینون کرببلاسی اولماز
زیباترین شعار مستان فقط حسیندی
..
..
..
..
قرآندا سیر ائدنلر چوخ سؤزلری بیلوللر
نور حقه آچیلمیش دل گؤزلری بیلوللر
بسدور بو بیر اشاره چون اؤزلری بیلوللر
قرآن ناطق اوغلی، قرآن فقط حسیندی
..
..
..
..
ما خستگان عشقیم کز غم امان نداریم
جز عشق عشق زهرا عشقی به جان نداریم
پیوسته نوبهاریم هرگز خزان نداریم
چون باغ روحیمیزده ریحان فقط حسیندی
..
..
..
..
شاعر یازار نه چوخ شعر اما بو مطلب اولماز
سوسو ویرا هر اولدوز ایشّیقلی کوکب اولماز
چوخدور حسینچی اما هئچ کیمسه زینب اولماز
هر دم دیلینده ازبر عنوان فقط حسیندی
..
..
..
..
قرآن جاودانون عشق آیه سی حسیندی
بیر ائودی قلب عاشق پیرایه سی حسیندی
سرمایه نینور هر کس سرمایه سی حسیندی
دار و ندار اهل ایمان فقط حسیندی
..
..
..
..
مقتلده گلدی زینب بیر ماجرانی گوردی
بر هم زمینی گوردی در هم زمانی گوردی
چون شاه سینه سینده شمر دغانی گوردی
سسلندی دینه عطشان قربان فقط حسیندی
..
..
..
..
#حسینیه #حضرتی_ناعمی #حسینیه_مدح #ترکی #زبدةالاشعار