نوحه ضربت
….
حاج نادر بابایی
….
مسجد کوفه ده باش یاریلدی
دوشدی شاه ولایت یارالی
دار دنیادن اولمیشدی خسته
گیدی رخت شهادت یارالی
باشلانوبدور علینون عزاسی
تنگه گتدی اونی دیل یاراسی
یاعلی یاعلی یاعلیجان (2)
سجده ده سیندی رکن نمازی
قانه غرق اولدی صبحون زمانی
بیتینه حمل ائدوبلر امامی
حزن و غم دوتدی کون و مکانی
ال آتوب باشه زینب گورنده
اللر اوسته گلن خسته جانی
سسلدی آی بو شهرون غریبی
کیم ائدوبدور جسارت یارالی
باشلانوبدور علینون …
باشووه ضرب شمشیر انوبدی
هر ایکی عالمه اود سالوبدی
انتقام حنین یله بدری
اولما سندن یهودی آلوبدی
وای منه خیبری سیندیران کس
گور نجه اللر اوسته قالوبدی
گولمسین هیچ یوزی بو جهاندا
کیم وروبدور جراحت یارالی
باشلانوبدور علینون …
ئولمه سم بوغریبون غمینده
صبح و شامی مدام آغلارام من
یاده سالام قابار اللرینی
آهیله کوفه نی داغلارام من
گوزلری که دعالرده آغلار
وای نجه بو گوزی باغلارام من
مسجدیله بو منبر یارالی
اولدی محراب طاعت یارالی
باشلانوبدور علینون …
#سبک_ای_قلم
(بیش از 3 سبک شامل سبک های
ای قلم سوزلرونده اثر یوخ … جامۀ عشقیوی سویمیان وار … ای مجاهد شهید مطهر … کاروان رفته منزل به منزل …)
#حیدریه_ماه_رمضان
#حیدریه_شهادت
#مسجد_کوفه_ده_باش_یاریلدی
#نادربابایی
#ترکی
زبدة الاشعار 
: @nohe_torki . سید بشیر حسینی میانجی . 
پیش واقعه گیوبدى شیعه لر آللَّه! قرا اروشلوقدا دوتوبلا مجلس و بزم عزا اروشلوقدا . توکولّه گوزیاشینى دامَنه یانایانه ائدولّه نى کیمىبیشتر
مرحوم خوندل . مولا بو عشقی عالم امکانه ویرمرم چوخ پر بهادی قیمت ارزانه ویرمرم . هر قطره گوز یاشیم که آخور بی بها دگُل بو دربیشتر
نظر دهید