کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم شاطر قباد شایق اردبیلی (1)
.
گلمیشم قارداش جنازون اوسته قانیاش توکمگه
نعشوون اوسته آچوب معجر یولوب باش توکمگه
.
.
باشینه شاهون ائدرلر دسته دسته گل نثار
بس نیه برعکسینی ائتدی بو قوم نابکار
سهلیدور عطریله گل سپمک مهیّا اولدیلار
اوستووه باران کیمین اوخ یاغدیروب داش توکمگه
.
.
گوزلریم اولسون فدا جسمونده قان فوّاریه
سانجیلوب پیکان اوخ اوستن پیکر صدپاریه
امر قیلدی سعدون اوغلی دولدی دشت ماریه
قانووی شمشیریه گلدیله بیر باش توکمگه
.
.
آدلارین امت قویانلار خاتم پیغمبره
یخدیلار پیغمبر اوغلون ذوالجناح اوستن یره
گون دوتولدی تاپدی فرصت گلدی فوج شب یره
روی بیضایه ستم منقاری خفّاش توکمگه
.
.
پخش قیلدی گنج احسانی مبارک اللرون
قویمادی محروم اولا بی وقت گلن دشمن لرون
جنبشه گلدی گئجه وقتینده باشسیز پیکرون
قیلدی دریا تک تلاطم دیشره داش قاش توکمگه
.
.
ساربان بیر پاره ی آهن تاپوب آلدى اله
جنّته بیر بند زر اوستونده سالدی زلزله
پابرهنه باش آچوخ مجبور اولوب زهرا گله
سینه ی صد پاروون اوسته یولوب ساش توکمگه
.
.
نعشووه ال ویرمارام ای خسرو گلگون کفن
قورخورام اوراق اولا قرآن کیمین باشسیز بدن
گورمیشم گون تابشینده ال دگنده غفلتاً
جمله برگین یوز قویار تپراقه خشخاش توکمگه
.
.
عازم شامم هانی ام البنین اوغلانلاری
پرچم آچسون کربلا میناسینون قربانلاری
تا یولا سالسون اباالفضلیم بو قلبی قانلاری
آیریلیق طرحین گلوب بو چولده نقاش توکمگه
.
.
نیزه باشینده اوخور قانلو باشون کهف آیه سین
ناقه ی عریاندا من درک ایلرم قرآن سسین
رخنه ی بنیادینی دین مبین اقدسین
گلموشوک بو عالمه بیز باجی قارداش توکمگه
.
.
ائتمیشم عهدی سنیلن ایلیم دینه کومک
اکبری ساخلا یانوندا ای شه جن و ملک
اصغری آل سینووه گئتسون منیلن تا گرک
گوز یاشین بیر نازپرور طفل اوچ یاش توکمگه
.
.
«شایقم» ماتملیم، ماتم لباسین سویمارام
من حسین بازم حسین بن علیدن دویمارام
چوخدا عید سیزده دور گئتمه نفسیم قویمارام
گئتسه گئتسون آبروسین مرد عیاش توکمگه
.
(1) مرحوم شاطر قباد شایق، قادر به خواندن و نوشتن نبودند.
.
#کوچ_کربلا #شایق_اردبیلی
#گلمیشم_قارداش_جنازون_اوسته_قانیاش_توکمگه
#ترکی
.
✍️ #زبدةالاشعار ✍️
.
🆔: @nohe_torki
نظر دهید