مسکندی منه گوشه ویرانه ای عمه #حضرت_رقیه_پریزاد

زبانحال حضرت رقیه درخرابه شام
.
✍️ #زبدةالاشعار ✍️
.
🆔: @nohe_torki
.
اسماعیل پریزاد کلوانق
.
مسکندی منه گوشه ویرانه ای عمه
اشگیم اودی که دوندی بیله قانه ای عمه
.
نه بستر و نه بالش و چادر نه واریمدی
آخر نجه من گلمیوم افغانه ای عمه
.
توپراقلارین اوسته یاتیرام دینجلم آزجا
شام اهلی گلور اوندادا خندانه ای عمه
.
دستگیرعدو آج سوسوزام یوخ داخی چارم
محتاجم هله ایندیده درمانه ای عمه
.
بیر کیمسه ترحم ایلمور حالیمه بوردا
رحم ایله ئوزون سن من نالانه ای عمه
.
شمره دینه قولاریمی آچسون سنی تاری
آسوده ویریم جانیمی جانانه ای عمه
.
اکبر باشینی بوردا قویوب گیتمرم آخر
گر چکسله ده روضه رضوانه ای عمه
.
لازم دگی کی قولاریمی باغلیا دشمن
دستگیرم اوزوم فرقه عدوانه ای عمه
.
اکبرغمی اصغر غمی آخر منی یوردی
عباس عمومین گتدی غمی جانه ای عمه
.
اوچ سنیده آز قالدی منیم باشیم آغارسون
یاندیم اودا لعنت بیله دورانه ای عمه
.
زهرا کیمی دشمن یوزومه سیلی وروبدی
آخر پوزولوب شوکت شاهانه ای عمه
.
سرنیزه ده گوردوکجه بابام مندن اوتاندی
گوردوم اثر ایلور او لب عطشانه ای عمه
.
معجر یوخودی صورتیمی گیزلدم اوندان
اولدوق ایکیمیز همدم پروانه ای عمه
.
یاندی او منه منده اونا اوددا آلیشدوق
گوز یاشلاریموز دوندی داخی قانه ای عمه
.
گلسیدی گورردیم بابامی بیرده دوباره
عمروم یتیشیبدور دم پایانه ای عمه
.
خواهش ایله ویرسونله منه بیرده او باشی
گتدی داخی هجرانی منی جانه ای عمه
.
گوشواره سوزون سالمارام اصلا اونی گورسم
فکریم بودی که یانمیام هجرانه ای عمه
.
نذر ایلموشم گورسم اگربیرده بابامی
قربان ایلیم جانیمی جانانه ای عمه
.
دوشموش بو #پریزاد گینه غصه و درده
محتاجیدی من تک اودا درمانه ای عمه
.
.
.
#حضرت_رقیه_شهادت
#مسکندی_منه_گوشه_ویرانه_ای_عمه
#پریزاد
#ترکی
.
✍️ #زبدةالاشعار ✍️
.
🆔: @nohe_torki