در فضیلت زوار و عزادار حسین (ع)
.
#زبدةالاشعار
.
: @nohe_torki
.
مرحوم یحیوی اردبیلی
.
.
مظلوم کربلا انصارین آختارور
آل محمّدون غمخوارین آختارور
هر دم نظر سالور اطراف عالمه
ششگوشه قبرینون زوّارین آختارور
.
.
ایوان عرشدن اوچ منظره باخار
اوّل یخلدیقی قانلو یئره باخار
بیرده عزا دوتان مجلس لره باخار
بیرده ضریحینون حضّارین آختارور
.
.
عصرون امامینه بذل اولدی ذوالفقار
وترون قصاصینی آلسون او شهریار
أذن الهیه زهرادور انتظار
اوز أوغلینون گلن یولّارین آختارور
.
.
هر کیمسه نون حسین گورسه حقیقتین
ایلر روا اونون مقصود و حاجتین
لطفیله آرتیرور نور محبّتین
احبابینون دل بیدارین آختارور
.
.
هر یئرده تعزیه اولسا نوا گلور
آشفته قلبیدن محزون صدا گلور
فوراً او مجلسه صاحب عزا گلور
اهل حقیقتون دیدارین آختارور
.
.
هر دهه ی عزا زهرای دیده تر
بیر شیشه ی بهشت الده او خون جگر
نام حسین اولان مجلسلری گزر
آغلار گوزون دُر شهوارین آختارور
.
.
أمر اولدی شمر دون اودلاندی خیمه لر
یوز قویدی چوللره اطفال دربدر
اول وقته زینب نالانی گوردیلر
وارد اولوب اوتا بیمارین آختارور
.
.
پروانیه اونون اولموشدی اوخشاری
اوتدا تلاش ائدوب یاندى قانادلاری
گوردیله دوتدی یوز ناگه نجف ساری
امداده حیدر کرّارین آختارور
.
.
#کربلا_یحیوی_اردبیلی
#آرزوی_کربلا #زائر_کربلا
#مظلوم_کربلا_انصارین_آختارور
#ترکی #پرچم_عزا
.
#زبدةالاشعار
.
: @nohe_torki
نظر دهید