در مدح و شهادت حضرت علی اکبر (ع)
–
✍️ زبدة الاشعار ✍️
?: @nohe_torki
–
هدایتی تبریزی
–
معرفت چرخینده ماه دلربا
پر فروغ و مه جبین و مه لقا
–
قوس ابروسنده ظاهر قاب قوس
گوزلریله ایلین محشر بپا
–
عین طاها خلق و خلق و منطقی
بی عدیل و بی بدیل و بی ریا
–
گوزلری جیم جمال ایزدی
مظهر ذات ودود لا یرا
–
قامت بالاسی طوبادن گوزل
صورتی سیمای حسن و اعتلا
–
لبلری سرچشمۀ آب حیات
سوز بولاغندان آخان آب بقا
–
باشی تاج عزته عزت ویرن
شهریار حسن و مهر پر ضیا
–
صورتی حسن و وله آئینه سی
سینه سی گنجینۀ سر خدا
–
چرخ عشقنده قلوب اهل دل
کعبۀ حسنی مطاف اتقیا
–
حسنی مجنون ایلین لیلا لری
محضرینده مستفیض اهل صفا
–
نه زلیخالر اونا عاشقدی ، بس
حسنونه یوسف دئیر صد مرحبا
–
گوهر دریای عشق و معرفت
سالک معنا و میر پارسا
–
طایر عرش آشیان و تیز پر
عارف کامل ، علومه آشنا
–
علم و حلم و حکمت و عرفاندا باش
لبلریندن پخش اولان در دعا
–
کیمده وار بو حسن شهرت بو کمال
شاه لق عنوانی ویروب دشمن بونا
–
کیمدی بو عالی نسب یالالعجب
حسنونه عالم بیله حیران قالا
–
آد علی اکبر ، حسینه بند دل
شبه طاها سبط پاک مرتضا
–
عشق میناسیله لیلا مست اولان
باشنه مین یول دونن مجنون سا
–
گل دوداقی گل آچاندا گل کیمی
گورسنر حسن جمال مصطفا
–
بو کمال و بو جمال و طلعته
حقی وار صراف عشق حیران اولا
–
گوندرر صلوات کیم گورسه یورون
کیم سوور پیغمبری باخسین بونا
–
(حسن طاها بوندا گلمیش ظاهره)
(عبد طاها سادی حی داوره )
–
فوق مدحت حشمت و شخصیتی
کعبه دن آرتیخ جلال و حرمتی
–
مثلینی مشکلدی گورسون روزگار
ماهی حیرتده قویوب مه طلعتی
–
تیغ ابروسیله منشق ایله سین
آسماندا ماهی ، واردور قدرتی
–
گوزلری دلدن قراری صلب ایدن
مایۀ آرامش ، حسن صورتی
–
یوسفین بازارینی گوزدن سالوب
اکبرین بازارنین گرمیتی
–
اکرم الضیف اولان عامل بودور
بخشش و جود و عطادور عادتی
–
مدحتنده مات و حیراندور قلم
خارج از اوهام و اذهان مدحتی
–
کیم رسول الله مدحت یازسا گر
مدحت ایلر بو پیمبر شهرتی
–
شهریار ملک ایمان و شرف
حشمت سلطاندان عالی حشمتی
–
روح و خونی اکبریتله عجین
شوکت شاه لاردان آریتخ شوکتی
–
وحدهودن وحدتی اخذ ایلیوب
رد ایدوب عشق عالمنده کثرتی
–
رحمةً لِلعالمینین اشبهی
شهددن شیرین لبنده شربتی
–
حبی عشق عنوان نین سرلوحه سی
قهری نیرانین شهیق و شدتی
–
امتحان عشقده ممتاز اولان
قرب حقده باش اولان عبدیتی
–
زهد و تقوی و ورع گلزارنی
غرق ایدن عطره خلوص و خشعتی
–
جن و انسه درس آزادی ویرن
ئورگدن احرار ئوچون حریتی
–
عالم و عامل امور عشقده
قوت تقوی زاد راه جنتی
–
جرعه نوش معرفت ، مست الست
کارگاه خلقتین خوش طینتی
–
سابقون چرخنده ماه پر فروغ
پر طَلَعلُؤ مجد و فرّ و عزّتی
–
درس ایثاری حسیندن اخذ ایدن
حیدر کراره بنذر سطوتی
–
دشمنی دعواده سردرگم قویان
رگلرینده مرتضانون غیرتی
–
ایلدریم تک الده صمصامی شاخان
ایلین اعدایه القا وحشتی
–
(تار و پودی عشقیله مملو اولان)
(تار و پود دشمنه وحشت سالان)
–
شهسوار عرصۀ هیجا علی
عرصه ده غوغا ایدن بر پا علی
–
تیغ تیزی بیچدقیجه باشلاری
افتخاریله دیردی یا علی
–
مرتضانون غیرتی قانینده وار
عرصه گهده خلق ایدوب غوغا علی
–
حمله ایلور حیدر کرار تک
جدنین جنگین ایدور احیا علی
–
بیر بیره قاتدی صفوف دشمنی
پوزدی اعدا نظمین حیدر سا علی
–
عشقه باخ جان فکرینی باشدان آتوب
مست جام ساغر معنا علی
–
برق تیغی آلمش اعدادن توان
خلق ایدوب هنگامه مه سیما علی
–
حیف اولا سو یوخ ایچه لب تشنه دور
تشنه لیقدان چوخ اولور ایذا علی
–
هر طرفدن حمله ور اولموش قوشون
نیله سین بیر لشگره تنها علی
–
خیمه گاهه بیر دونور هردن باخور
ایستوری بابانی گورسون تا علی
–
گون شاخیر ، لب تشنه ، جنگین یورقونی
همت ایلور همته دارا علی
–
یاره گورموش بیش و کم گل پیکری
اعتنا ایتمور ولی اصلا علی
–
قدسیان ایثارینه احسن دیور
اندیریر شمشیری برق آسا علی
–
سسلنوردی کوفیان این المفر
محشری بر پا ایدوب گویا علی
–
حیله کارون حیله سیدن داد و داد
حیلیه دوشدی گل طاها علی
–
بیر شقی چخدی کمیندن ناگهان
ایستدتی دلدن دوشه زیبا علی
–
ووردی شمشیری علینون باشنه
دوشدی دلدن مرد رزم آرا علی
–
باش یاراسی ایلدی صلب توان
دوشدی تیغ الدن اولوب خنثا علی
–
سالدی مرکب بوینونا قوللارینی
اوخ دیمزدی یاریه اما علی
–
جرأته گلدی قاچان قورخاخ قوشون
تیغیله دوغراندی ، واویلا علی
–
هر گلن ووردی یارا اول سروره
پرپر اولدی گل کیمی برنا علی
–
ای #هدایت خدمت ائت بو درگهه
اجروی وئرسین ئوزی مولا علی
–
#اکبریه
#اکبریه_مدح
#اکبریه_شهادت
#معرفت_چرخینده_ماه_دلربا
#هدایت_تبریزی
#ترکی
–
✍️ #زبدةالاشعار ✍️
?: @nohe_torki
نظر دهید