عشقین شرریندن آلشیب شعله ور اولدوم #مهدیه_هدایت_تبریزی

یا مهدی
.
✍️ #زبدةالاشعار✍️
.
🆔: @nohe_torki
.
هدایت تبریزی
.
عشقین شرریندن آلشیب شعله ور اولدوم
قانیم اودا دوندی گونی گوندن بتر اولدوم
.
مین فتنه ایله گلدی منی سالدی کمنده
یاندی ئورگیم باشی ، یانیب پر شرر اولدوم
.
پروانیه تقلید ایلدیم باشنه دوندوم
اود دوشدی قانادلاریما بی بال و پر اولدوم
.
هنگام خطر فکرنی جانین باشین آتدیم
یاره گوتوروب جانیمه ، یاره سپر اولدوم
.
عشقین نه اولوب تحفه سی خلقه خبریم یوخ
من عاشق اولان گوندن ایله دیده تر اولدوم
.
رسوای جهانم اولانیم گیتدی بو یولدا
عقلیم چاشیب ، ال چخدی بوشا دربدر اولدوم
.
شیدای جهانم منه چوخ طعنه ووران وار
قلبم ده کدر یوخدی ، کدردن حذر اولدوم
.
مین تیر جفایه دوزه رم باخسا نگاریم
پرواز ایدرم عرشه کی اهل نظر اولدوم
.
بیر جرعه اگر ویرسه منه جام لبندن
بیلّم نظر یارده چوخ معتبر اولدوم
.
من بیر مس ناقابلم اکسیر نگاریم
چکدی اوجالاندردی شرف ویردی زر اولدوم
.
اقبالی سیاهم گوزلیم باخدی ( هدایت)
بختیم باغی گول لندی ، گولوب بختور اولدوم
.
.
#عشقین_شرریندن_آلشیب_شعله_ور_اولدوم
#ترکی
.
✍️ #زبدةالاشعار✍️
.
🆔: @nohe_torki