معصومه باجون جان ویرور ای شاه خراسان #حضرت_معصومه_جوانی_تبریزی

زبانحال حضرت معصومه(س) به امام رضا(ع)
.
✍️ زبدة الاشعار ✍️
.
🆔: @nohe_torki
.
جوانی تبریزی
.
معصومه باجون جان ویرور ای شاه خراسان
قیل رنجه قدم باشیمون اوسته اوخی قرآن
.
.
.
هجرونده گوزوم بنزیوری غملی سحابه
دوندی اورگیم نارفراقوندا کبابه
گل باری ئوزون لطف ایله بودیده پرآبه
قویما اولا بونداندا علاوه گوزی گریان
.
.
.
بومدتی سانما غم و آلامیم آزالدی
نالم شرری گون بگون افلاکه اوجالدی
یلداگیجه سی مثلی گونوم گوزده قرآلدی
اولموشدی فراقوندا ایشم ناله و افغان
.
.
.
سندن صورادنیامنه غمخانه دی قارداش
خوشگون منیله دهریده بیگانه دی قارداش
معصومیه هجران ائوی کاشانه دی قارداش
چوخداندی ایدوب تیرغمون قلبیمی شان شان
.
.
.
قم شهری بوغمدیدیه بیت الحزن اولدی
شهراهلینه اندوه وملالیم علن اولدی
چرخین روشیندن منه آخر وطن اولدی
سالدی منی دلدن غم ایامیله هجران
.
.
.
گل مرحمتون شامل ائله غملی قوناقه
هجرون یتوروب جانیمی هرلحظه دوداقه
یوخدور داخی یارای توان درد و فراقه
غم یورقونیام گل آتام اوغلی ایله احسان
.
.
.
غربتده اولن باجی باخار یولارا پی در
قارداش آدینی دیلده ایدرشوریله ازبر
معصومه باجون ایمدی برادرسنی گوزلر
مشتاقیدی بوسه ویرا اول لبلره بیرآن
.
.
.
سن سن باجوون غربت آرا دارو نداری
سنسیز بولوسن قالمیاجاق دلده قراری
آل گوگلومی سال یاده منی حجت باری
تخفیف تاپا بلکه بوسینمده کی حرمان
.
.
.
روحیم تلسور رجعت ایده دار بقایه
یوخ رغبتی بیر ذره بودنیای فنایه
سالدی منی سندن صورا اندوه و بلایه
گوزیاشیمی قان ایلدی آخدی یوزه القان
.
.
.
بیرنامه گلوب یثربه آرامیمی آلدی
یاندیردی فراقون محنی چوللره سالدی
حسرت شرری حشره کیمی سینده قالدی
سالمانظروندن منی تزگل ویرورم جان
.
.
.
هجرونده بلورسن نقدرآغلامیشام من
غم دفترینی تزتزآچوب باغلامیشام من
آغلارگوزیله نامه وی گل ساخلامیشام من
قبره اونی سینمده آپارام سنه قربان
.
.
.
قارداش غمی دلدن آپارار تاب و توانی
گوزجامی داشار جاری ایدر اشگ روانی
آغلارمنیم احوالیمه هریرده(جوانی)
وارسری اولار مجلس ماتمده نوا خوان
.
.
#سبک_ای_باد_صبا … 7 سبک
.
.
#حضرت_معصومه_شهادت
#معصومه_باجون_جان_ویرور_ای_شاه_خراسان
#جوانی_تبریزی
#ترکی
.
.
✍️ #زبدةالاشعار✍️
.
🆔: @nohe_torki