زبانحال حضرت موسی بن جعفر (ع) در محبس بغداد
..
..
رضا غلامپور ( دلپاک تبریزی )
..
..
دوشموشم بیر نچه ایلدور گوشۀ زندانه من
ایلرم محبسده سجده حضرت سبحانه من
..
لذّت طعم وصالی بو بسیط عشقیده
ائتمیشم تحمیل باللّه محنت هجرانه من
..
یوسف وصلی چکم آغوشیمه یعقوب وار
سالمیشام بانگ تضرّع کلبۀ احزانه من
..
حفظ احکام شریعت چون بیزه منظوریدور
الده جان بو نیّتیله گلمیشم میدانه من
..
حمد محبوب ازلدن متّصل خوشدور ضمیر
خرّمم تسبیح حقّه دلخوشام قرآنه من
..
سربه سر سجن مقعّرده تمام همّیله
بیرق افکاری وورّام قلّۀ عرفانه من
..
تا دم محشر تاپام جان محبس بیدادیده
صبر قیلّام اگمرم باش ظالم دورانه من
..
جان ندور زندان ندور غربت ندور محنت ندور
مفخر جاندور بویانسام دینه خاطر قانه من
..
دردمندم اصل دردیم درد دیندور دهریده
وئرمرم تا وار نفس بو دردی مین درمانه من
..
وقفدور چون خسته جان جان آفرینه بو سبب
تحفۀ جانی گرک بذل ایلیم جانانه من
..
نقد جانیم خرج بازاره شریعتدور فقط
وئرمرم جنس وجودی قیمت ارزانه من
..
آشنا اوسته بو غربت عین ایماندور منه
ملک غربتده غریبم قوم بی ایمانه من
..
بس اولوب مونس وجودیم کنده و زنجیریله
گوئیا توش اولموشام بیر محنت آسانه من
..
گوی آهیم سبقت ایلر نالۀ زنجیریدن
گر وئرم بیر دم تکان بو قامت چوگانه من
..
صابرم، اسرار حلمه گر چه کامل آشنا
گلمیشم امّا بو یئرده سند الیندن جانه من
..
تا گلور زندانه ظلموندن سیزلدیر پیکریم
بولمرم نه ائتمیشم اول منشأ عدوانه من
..
گر دئیسم سیلی ملالین تازیانه محنتین
بی امان سالام تزلزل عالم امکانه من
..
سسلرم محبسده گاهی گل آنا یا فاطمه
گور نه نوعی دوشموشم اندوه بی پایانه من
..
بند بند جسمیم آغریر بند جور و ظلموده
وار یری گلسم بو غمدن ناله و افغانه من
..
کنده ایلور چوخ اذیّت خرد اولان ساقینمی
دوشموشم بو رنج اعظمدن غم پنهانه من
..
تا خطور ایلر خیالیم خاطر مخطوریدن
ایلرم جاری سرشکی دیده دن دامانه من
..
مرغ فکریم پر آچار گه کربلا گه یثربه
آغلارام معصومیه هم زینب نالانه من
..
..
#گریز #قتلگاه
..
..
تاپدی تا قارداشینین مقتلده عریان پیکرین
سویلدی قربان اولوم بو پیکر شان شانه من
..
بس باشون هانی اقلّاً جام دیدمدن وورام
حسرتیله قطره قطره سو لب عطشانه من
..
بو گئچن گون قتلگهده کشمکش هنگامه سی
تا سنی گوردوم ال آتدیم خنجر برّانه من
..
یئتمیوب برنامۀ خونین نهضت ختمه تا
باشوون آردینجا گلم گئتسه گر هر یانه من
..
دم به دم وورّام حسین دم نطق عالم گیریله
آل هاشم عزّتوندن آل بو سفیانه من
..
یا حسین «دلپاک» تک گوزده سرشک آلیله
تشنیم دشت سخاده چشمۀ احسانه من
..
اولماسیدی گر کرامت سندن ای شاه کریم
یول تاپانمازدیم سوز اوسته وادی عنوانه من
..
..
..
#کاظمیه #دلپاک #کاظمیه_شهادت #ترکی #زبدةالاشعار
نظر دهید