زبدةالاشعار

ملک ایماندا پادشاه علی #حیدریه

مدح حضرت علی (ع)
.
✍️ زبدة الاشعار ✍️

?: @nohe_torki
.
جعفر عباس نژاد (ظریف)
.
ملک ایماندا پادشاه علی
دین و قرآنه تکیه گاه علی
.
رب اعلا سون عزیز امیر
شیعه مولاسی دادخواه علی
.
فرشدن عرشه مستقیم صراط
چاهدن ماهه شاهراه علی
.
جهلدن برقرار اولان گئجه نین
ظلمتین سیندیران پگاه علی
.
هم عطا درگهی مدام آچیخ
هم کرم سفره سی به راه علی
.
هم یتیمان اوچون رئوف آتا
هم آدامسیزلارا پناه علی
.
اولدی کیم عشقلن مرید سنه
تاپدی عالمده عز و جاه علی !
.
داندی هرکیم سنون ولایتوی
تا ابد اولدی روسیاه ، علی!
.
بیر خجل نوکرم یوخومدی پناه
غم چکیب اوستومه سپاه علی
.
هم سالیب درده اشتباه منی
هم اگیب قدیمی گناه علی
.
یوخدی الله یانیندا منزلتیم
ائتمیشم عمریمی تباه علی
.
اولموشام بو گئجه دخیل سنه
ایله لطفیله بیر نگاه علی
.
الامان الامان ،داد، آقا
الدخیل الدخیل ،آه، علی
.
روسیاهم ولی سنی سویرم
گوزیاشیم عشقمه گواه علی
.
بودل شبده بوش الیمده منیم
عشقدور بیرده اشک و آه علی
.
سن اگر ائتمسون شفاعتیمی
کیمه عرض ایلرم حکایتیمی؟
.

#حیدریه_مدح
#ملک_ایماندا_پادشاه_علی
#جعفر_عباس_نژاد
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...