وداع حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
حاج ناصر تبسمی اردبیلی
.
گل اوتور خیمه ده فرزانه اوغول
لیلی ویرسون تلیوه شانه اوغول
نئچه لحظه منیله صحبت ایله
صورا گئت شوقله میدانه اوغول
.
.
.
چکمیشم زحمت بسیار سنه
اولاسان غم گونی غمخوار منه
هر دینده بالا تکرار نه نه
جان دئیم من سنه دردانه اوغول
.
.
.
باغبان تا یمسه خون جگر
غنچا مشکل گول آچیب بهره وئرر
گوله یاز فصلی فلک ویرسا ضرر
باغبان گور قوجالار یا نه اوغول
.
.
.
نازیله من سنی گتدیم بو بویا
یاراشور قدّوی السّاعه طویا
گور بو انصافیدی قوینومدا قویا
الیمی زادۀ مرجانه اوغول
.
.
.
ای منیم ماه وشیم قاره گیله
لوح تقدیروه بیجادی گیله
خاری آلله یارادیب پای گوله
دولاشا رسمدی دورانه اوغول
.
.
.
وار سنه قلبیده شور و هوسیم
ایللریدی سنیدون هم نفسیم
هی دیردیم حقّ منّانه بسیم
شاکرم بو گول خندانه اوغول
.
.
.
اوخشاداردیم سنی سرو چمنه
لب شیرینی عقیق یمنه
گون دوشنده تلوی یاسمنه
گوزلرون نرگس مستانه اوغول
.
.
.
گینه گلمز دیلیمه شکوه خدا
دوره می آلسا نه اندازه بلا
نصّ قرآندی گرک اهل ولا
دینه خاطر بویانا قانه اوغول
.
.
.
گینوبسن ندن آغ پیرهنه
شهدالر کی بوکولمز کفنه
هله گیزلت اونی گورستمه منه
دولانور باشیمه کاشانه اوغول
.
.
.
گر چه بیر لطفدی بو وفق مذاق
اولاجاقسان گئجه آللّهه قوناق
ولی لیلانی غم درد فراق
سالاجاق آتش هجرانه اوغول
.
.
.
عادت ائتمیشدیم عجب حال خویوا
نقشه لر چکمیشدیم چوخ طویوا
باجیلارون بیچه خلعت بویوا
خط چکیم ایندی او پیمانه اوغول
.
.
.
دور دعا ایله سن ای شاخه گولوم
گورمیوم نعشوی اوّل من ئولوم
قوی منی قبره غموندن اوزولوم
صورا گئت قانلو بیابانه اوغول
.
.
.
گل دونوم باشیوه ای ماه جمال
چونکی اولماز داخی امکان وصال
اوز الونله باشیما قاره وی سال
خیمه می ایله عزا خانه اوغول
.
.
.
بیلورم من شه دینون هدفین
سوزی تحصیل شهادت یقین
گتریب بیر به بیر آزاده لرین
وئره قربان سیزی قرآنه اوغول
.
.
.
یخمارام صبر ائوین ای ساقۀ یاس
اولمیام هاجره دنیاده قیاس
اوز جوارونده دوتوم قوی سنه یاس
چیخمادیم بلکه او بحرانه اوغول
.
.
.
قانلی نعشون گله گر خیمه لره
خوش دگول چیخماقا بو دربدره
دشرم زلفیمی خیممده یره
باخارام منده یانا یانه اوغول
.
.
.
توکرم عارضه اشک تریمی
چکرم آه نشان خنجریمی
دوغرارام خاطره لر دفتریمی
اولارام شمعیمه پروانه اوغول
.
.
.
یازدی بو شعری جگر قانی علی
گل قبول ایله بو احسانی علی
آختارور دردینه درمانی علی
چک «صفانی» سر و سامانه اوغول
.
.
.
آتش عشقوه چوخداندی یانار
بیزه نسبت ویریلنده اوتانار
گیزلنیب دالدا بوجاقدا دولانار
یارامازدی ایتی خوبانه اوغول
.
.
.
قیل توجّه بو پریشانه اوزون
چکدی تهرانه نه نوعیله کوچون
اصفهاندا دولانور ایندی اونون
گوزی واردی گینه تهرانه اوغول
.
.
.
.
.
#اکبریه_تبسمی
#اکبریه_شهادت
#گل_اوتور_خیمه_ده_فرزانه_اوغول
#ترکی
.
✍️ #زبدةالاشعار ✍️
.
🆔: @nohe_torki
نظر دهید