منبع جود و کرم لطف و سخادور سجاد #سجادیه_مصیبی_تبریزی

مدح و میلادیه حضرت امام سجاد علیه السلام
.
.
مصیبی تبریزی
.
.
منبع جود و کرم ، لطف وسخادور سجاد
مفخر پنج تن آل عبادور سجاد
.
مدحتین یازماقا لایق دگوری لوحه قلم
عارف حکمت و تندیس حیادور سجاد
.
سجده گاه شرفین حرمتی دور سجده لری
مظهر پاکی و مصداق صفادورسجاد
.
فخر سجّاده و محراب و منابردی آقام
شهربانو گوزونه نور و ضیادور سجاد
.
عرش اعلاده عبادتلری نین صحبتی دور
زینت و روشنی عرش خدادور سجاد
.
بالاسی باقر العلم علوی دور حقاً
بسلیَن جانینی دین اوسته فدادور سجاد
.
آتاسی کرب وبلا شاهی ابوالفضل عموسی
افتخار نبی و خیرنسادور سجاد
.
کوفیان کرب وبلاده آتاسین ئولدوردی
باغریقان زائر صحرای بلادور سجاد
.
زینبین همدم و همسنگری اول چوللرده
شام شهرینده قوران بزم عزادور سجاد
.
بعد ِ عباس اگر چه علمی زینب آلوب
لیک فرماندهی کلّ قوا دور سجاد
.
یوم عاشور قالان خیمه ده قلبی یارالی
ایلین ورد زبان وا اسفا دور سجاد
.
رزمه نه تاب و توانی واریدی نه اذنی
وریلان یاره سینین اوسته یارا دور سجاد
.
شامیده خطبه سی شاماتی ائدندور ویران
ایندیده خطبه سی عالم ده به پادور سجاد
.
ناخوش مصلحتی اولدی آقام یوم بلا
ولی عالم ده نه درد اولسا دوا دور سجاد
.
بس کرامتلی دی بیرکیمسیه ((لا)) سویلمیوب
بیر تشهدده دیئن کلمۀ ((لا)) دور سجاد
.
کوفه ده ابن زیادایسته دی خوارائتسون اونی
فکر ائدوب منفعل ِ فعل جفادور سجاد
.
منطقی پوزدی زیاد اوغلونین احوالاتین
بیلدیلر هر نئجه تقدیره رضادور سجاد
.
کربلادن دوشوب آیری اونا مدفن دی بقیع
قبری چوللرده دی بی سنگ وبنادورسجاد
.
قالدی اوتّوز نچه ایل آغلادی یثربده آقام
فکری بیر باشیدی بیر نوک جدادور سجاد
.
الیوی ئوزمه« مصیّب »قاپوسیندان آقامین
گئتمه آیری قاپیه باب شفادور سجاد
.
.
#سجادیه_میلادیه
#منبع_جود_و_کرم_لطف_و_سخادور_سجاد
#ترکی
#زبدةالاشعار